జూలై 17-శ్రావణ అమావాస్య.. రావి, మర్రి, నిమ్మ, అరటి, తులసి చెట్లను నాటితే?

శ్రావణ అమావాస్య జూలై 17వ తేదీన వస్తోంది. ఈ రోజున మంచి వర్షాలు కురిసి పంటలు సమృద్ధిగా పండాలని  దేవతలకు ప్రార్థనలు చేస్తారు. ఈ రోజున శివుడిని పూజించడం అత్యంత పవిత్రమైనదిగా భావిస్తారు. ఇది కాకుండా, పితృదేవతలకు పిండప్రదానం చేస్తారు.

శ్రావణ అమావాస్య వ్రత పూజ విధి

శ్రావణ మాసం నుండి రుతుపవనాలు ప్రారంభమవడంతో, పంటలు సమృద్ధిగా పండేందుకు పచ్చగా మారుతాయి.  ఈ రోజున ఉపవాసం పాటిస్తారు. 

● ఉదయం పూట పవిత్రమైన నది, సరస్సు లేదా చెరువులో స్నానం చేయాలి. సూర్య భగవానునికి అర్ఘ్యం సమర్పించాలి. ఆపై పితృదేవతలకు తర్పణం సమర్పించాలి. 

● ఉపవాసం ఉండి, పితృదేవతలకు అన్నం సమర్పించి.. పేదలకు అన్నదానం, వస్తువులను దానం చేయండి.

● ఈ రోజున రావిచెట్టు ప్రదక్షణ మంచి ఫలితాన్నిస్తుంది. 

● శ్రావణ అమావాస్య నాడు రావి, మర్రి, నిమ్మ, అరటి, తులసి మొదలైన చెట్లను నాటడం శుభప్రదంగా పరిగణించబడుతుంది. ఎందుకంటే ఈ చెట్లలో దేవతలు నివసిస్తారని విశ్వాసం.