తులా, వృశ్చిక లగ్నంలో జన్మించిన మహిళలు విద్యారంగం, వృత్తి పరంగా ముందంజలో ఉంటారు. తులా లగ్నంలో జన్మించిన జాతకులు బుద్ధి కుశలతను కలిగి ఉంటారు. ఏ కార్యాన్ని ప్రారంభించినా ఆ కార్యన్ని పూర్తి చేసే వరకు తీవ్రంగా కృషి చేస్తారు. ఏ కార్యమైనైనా ఆత్మ విశ్వాసంతో పూర్తి చేయడం చేస్తారు.
ఇతరులు చేసే పనిని ఒక సారి చేస్తేనే తిరిగి దానిని తానే తన నైపుణ్యంతో చేయగలిగే నిపుణత కలిగి ఉంటారు. ఇతరుల పట్ల గౌరవభావంతో ప్రవర్తిస్తారు. ఐశ్వర్యవంతులుగా జీవిస్తారు. భూములు, వాహనాలు కొనడంలో ఆసక్తి చూపుతారు. జీవితంలో ఎటువంటి సమస్యనైనా సులభంగా ఎదుర్కొంటారు. బంధువులు, స్నేహితుల వద్ద స్నేహభావంతో ప్రవర్తిస్తారు.
వృశ్చిక లగ్నంలో జన్మించిన మహిళా జాతకులు ఆగ్రహావేశులుగా ఉంటారు. ఇతరుల వద్ద కఠినంగా ప్రవర్తిస్తారు. ఇతరుల ఆధీనంలో పనిచేయడంలో ఆసక్తి చూపరు. కళత్ర స్థానం గొప్ప స్థానంగా అమరి ఉండటంతో భాగస్వామ్య జీవనం సుఖమయంగా ఉంటుంది. కుటుంబంలో ఎదురయ్యే సమస్యలను సులభంగా పరిష్కరించే సామర్థ్యం గలవారుగా ఉంటారు.
ఆర్థికపరంగా ఎదురయ్యే సమస్యలను ఎదుర్కోవాల్సి ఉంటుంది. వ్యాధుల వలన కష్టాలు ఏర్పడటం జరుగుతుంది. ఆర్థిక పరమైన వ్యయాల్లో కాస్త పొదుపును పాటించడం ఉత్తమం.