20 అక్టోబర్ 1995వ సంవత్సరం తర్వాత చాలా హిట్, సూపర్ హిట్ సినిమాలు వచ్చాయి, వెళ్ళాయి. కాని ముంబైలోని మరాఠా మందిర్ సినిమా హాలులో "దిల్ వాలే దుల్హనియా లే జాయేంగే" సినిమా ఇప్పటివరకు నడుస్తోంది. ప్రస్తుతం ఆ సినిమా విడుదలై 14 సంవత్సరాలు గడిచిపోయింది. అయినాకూడా ప్రజలు ఈ సినిమాను ఇంకా చూస్తుండటం విశేషం. చాలామంది వీక్షకులు కొన్ని డజన్లకు పైగా సినిమాను తిలకించారు.
బాలీవుడ్ బాద్‌షా షారుఖ్ ఖాన్, కాజోల్‌ను జంటగా ఆదిత్య చోపడా తన తొలి సినిమాను నిర్మించాడు. ఈ చిత్రం విడుదలైన ప్రతి చోటకూడా మంచి ఫలితాలను సాధించింది. మరాఠా మందిర్ సినిమాహాలులో మాత్రం ఈ చిత్రం 700 వారాలు దిగ్విజయంగా పూర్తి చేసుకుని ఇంకా కొనసాగుతోంది.
భారతీయ సినిమా జగత్తులో ఇప్పటివరకు ఏ సినిమాకూడా ఇన్నివారాలపాటు ఆడలేదు. దీనికి ముందు బిగ్ బి నటించిన "షోలే" చిత్రం సంచలనం సృష్టించింది. అదికూడా ముంబైలోని మినర్వా ధియేటర్‌లో ఈ చిత్రం ఏకధాటిగా ఐదు సంవత్సరాలు(1975-1980) ఆడి ప్రజల మనస్సు దోచుకుని అప్పట్లో రికార్డులు సృష్టించింది. కాగా ప్రస్తుతం డిడిఎల్‌జే, షోలే రికార్డులను బద్దలుకొట్టిందని సినిమా విశ్లేషకులు అభిప్రాయపడతున్నారు.