బ్రిటన్ జాతివివక్ష దాడులు : టీనేజర్లకు జైలు..!

FILE

జాత్యహంకారంతో భారతీయులపై విరుచుకుపడి దాడి చేసిన ముగ్గురు బ్రిటన్ టీనేజర్లు త్వరలోనే జైలు ఊచలు లెక్కించనున్నారు. కవల సోదరులైన జస్టిన్, లూక్‌లవ్‌డేల్‌లు.. మరో టీనేజర్ నికోలస్ గార్డెనర్ అనే ముగ్గురు యువకులు భారత సంతతికి చెందిన ఓ షాపు కీపర్‌ అశోక్ సెల్వంపై దాడికి పాల్పడ్డారు. అనంతరం మరో షాపులోకి చొరబడి భయోత్పాతం సృష్టించారు.

గత జూన్ 6వ తేదీన ఈ ముగ్గురు యువకులు బ్రిస్టన్‌లోని షాపుల్లో చేసిన ఆగడాలు సీసీ కెమెరాలకు చిక్కడంతో వీరి ఆగడాలు గుట్టు రట్టయ్యాయి. సీసీ కెమెరాల్లోని చిక్కిన వీడియోలను బాధితుల తరపు న్యాయవాది బ్రిస్టల్ మేజిస్ట్రేట్ కోర్టులో ప్రవేశపెట్టారు. దీంతో ఈ కేసును విచారిస్తున్న న్యాయమూర్తి వీరిని దోషులుగా నిర్ధారిస్తూ శిక్షను నవంబర్ 11వ తేదీకీ వాయిదా వేశారు.

అయితే విచారణ సందర్భంగా పై ముగ్గురు టీనేజర్లు తమ తప్పులను అంగీకరిస్తూనే.. జాతి విక్షతో తాము ఈ పని చేయలేదని న్యాయమూర్తికి విన్నవించుకోవటం గమనార్హం. కాగా.. కవల సోదర టీనేజర్లకు షరతులతో కూడిన బెయిల్ మంజూరు కాగా.. గార్డెనర్‌ను మాత్రం రిమాండ్‌కు తరలిస్తూ కోర్టు ఆదేశాలను జారీ చేసింది.