అలర్జీలను దూరం చేసే బీరతో రొయ్యల కూర ఎలా?

ముందుగా శుభ్రం చేసిన రొయ్యలకు స్పూన్ కారం.. పావు టీ స్పూన్ ఉప్పు, ధనియాల పొడి, పసుపు పొడి, జీలకర్ర పొడి వేసి బాగా కలిపి పక్కనబెట్టుకోవాలి. ఈ రొయ్యల్ని స్టౌ మీద బాణలి పెట్టి మూడు స్పూన్ల నూనె పోసి నీరం

బీరకాయలను రోజువారీ ఆహారంలో తీసుకుంటే అలెర్జీలను దూరం చేసుకోవచ్చు. ఇంకా బరువును తగ్గించుకోవచ్చు. దోసకాయల తరహాలో బీరకాయల్లోనూ బరువు తగ్గించే గుణాలున్నాయి. ఇందులో ఫైబర్, లోఫ్యాట్స్ బరువును తగ్గిస్తాయి. అలాంటి బీరకాయలతో క్యాల్షియాన్ని పుష్కలంగా అందించే రొయ్యలతో కూర ఎలా చేయాలో చూద్దాం..

కావాల్సిన పదార్ధాలు:

బీరకాయ ముక్కలు - మూడు కప్పులు 

రొయ్యలు - అర కేజీ 

నూనె- రెండు టీ స్పూన్లు 

ఉల్లిపాయ తరుగు - ఒక కప్పు

కరివేపాకు రెబ్బలు - పావు కప్పు 

అల్లం వెల్లుల్లి పేస్టు - ఒక టేబుల్ స్పూన్ 

కారం - ఒక స్పూన్

ఉప్పు- తగినంత 

గరం మసాల పొడి-అర టీ స్పూను

కొత్తిమీర తరుగు- పావు కప్పు 

పచ్చి మిర్చి  తరుగు - రెండు స్పూన్లు 

తయారీ విధానం: 

ముందుగా శుభ్రం చేసిన రొయ్యలకు స్పూన్ కారం.. పావు టీ స్పూన్ ఉప్పు, ధనియాల పొడి, పసుపు పొడి, జీలకర్ర పొడి వేసి బాగా కలిపి పక్కనబెట్టుకోవాలి. ఈ రొయ్యల్ని స్టౌ మీద బాణలి పెట్టి మూడు స్పూన్ల నూనె పోసి నీరంతా ఆవిరయ్యేందుకు చిన్నమంటపై వేయించుకుని పక్కనబెట్టుకోవాలి. అదే బాణలిలో మరికొంత నూనె వేసి ఉల్లి, పచ్చిమిర్చి తరుగు, కరివేపాకు, అల్లం వెల్లుల్లి పేస్టు ఒకదాని తర్వాత ఒకటి వేసి దోరగా వేపుకోవాలి. ఆపై బీరకాయ ముక్కల్ని వేసి మగ్గనివ్వాలి. 

ముక్కలు సగం ఉడికిన తర్వాత రొయ్యలతో పాటు పావు కప్పు నీరు పోసి ఉడికించాలి. కూర చిక్కబడ్డాక కొత్తిమీర చల్లి దించేయాలి. దానిని వేడి వేడి అన్నంలో కలుపుకుని తింటే ఎంతో రుచిగా ఉంటుంది. చపాతీలకు రోటీలకు కూడా దీన్ని సైడిష్‌గా వాడుకుంటే టేస్ట్ అదిరిపోతుంది.