రోటీలకు ఎగ్ కర్రీ సూపర్ కాంబినేషన్!

రోటీలు చేస్తున్నారా? అయితే టక్కుమని ఎగ్ కర్రీ చేసేయండి. కోడిగుడ్డులో పోషకాలు పుష్కలంగా ఉన్నాయి. ఇది జ్ఞాపకశక్తిని పెంచడంతో పాటు బరువు తగ్గడానికి ఎంతగానో ఉపయోగపడుతుంది. ఇక ఎగ్ కర్రీ రిసిపీ ఎలా చేయాలో ఒకసారి చూద్దాం..

కావలసిన పదార్థాలు : 

ఉడికించిన కోడిగుడ్లు : ఆరు 

ఉల్లి తరుగు : అర కప్పు, 

టమోటా పేస్ట్ : అర కప్పు

వెల్లుల్లి, అల్లం పేస్ట్ : ఒక టీ స్పూన్ 

పచ్చి మిర్చి : 2 సన్నగా తరిగినవి 

కొత్తిమీర తరుగు : కాసింత 

ఉప్పు : తగినంత 

పసుపు, ధనియాల పొడి, గరం మసాలా: అర స్పూన్ 

నూనె : తగినంత 

వెన్న: ఒక కప్పు

పచ్చి బఠానీలు, పనీర్ చెరో కప్ మీకు ఇష్టమైతే చేర్చుకోవచ్చు.

తయారీ ఇలా.. 

ముందుగా కోడిగుడ్లను ఉడికించి పైపొట్టు తీసి పక్కన పెట్టుకోవాలి. తర్వాత పాన్‌లో కొద్దిగా నూనె వేసి పనీర్ ముక్కలు వేసి బ్రౌన్ కలర్ వచ్చే వరకూ వేయించుకుని పక్కన పెట్టుకోవాలి. తర్వాత అదే పాన్‌లో మరికొద్దిగా నూనె వేసి, ఉల్లిపాయ ముక్కలు వేసి దోరగా వేపుకోవాలి. 

తర్వాత గరం మసాలా, అల్లం, వెల్లుల్లి ముద్ద, టమోటో గుజ్జు కూడా వేసి బాగా మిక్స్ చేయాలి. తర్వాత అందులో ఒక కప్పు నీళ్ళు పోసి కొన్ని నిముషాలు ఉడికించుకోవాలి.

తర్వాత అందులో ఫ్రై చేసి పెట్టుకొన్న పనీర్, ఉడికించిన పచ్చిబఠానీ, గుడ్లను వేసి బాగా మిక్స్ చేసి తక్కువ మంటలో 15 నిముషాలు ఉడికించుకోవాలి. చివరగా కొత్తిమీర తరుగుతో గార్నిష్ చేసి వేడి వేడి రైస్ లేదా రోటీలకు సైడిష్‌గా సర్వ్ చేయాలి.