సగ్గుబియ్యంతో చికెన్ అండ్ ఎగ్ దోసె ఎలా చేయాలి?

సగ్గుబియ్యం-చికెన్- ఎగ్ ఈ మూడింటి కాంబినేషన్‌లో వెరైటీ దోసె ఎలా చేయాలో చూద్దాం. కోడిగుడ్డులో ఆరోగ్యానికి ఎంతో మేలు చేసే పోషకాలున్నాయి. సగ్గుబియ్యం జీర్ణసమస్యలను దూరం చేస్తుంది. చికెన్ కండరాల పుష్టికి తోడ్పడుతుంది. ఈ మూడింటి కాంబినేషన్‌లో టేస్టీ దోసె ఎలా చేయాలో చూద్దాం..!

కావలసిన పదార్థాలు:

ఉడికించిన చికెన్ ముక్కలు : రెండు కప్పులు 

కోడిగుడ్లు : రెండు

ఉల్లి తరుగు : ఒక కప్పు 

కొత్తిమీర తరుగు : పావు కప్పు

ఉప్పు తగినంత : 

దోసె పిండి : తగినంత 

గ్రీన్ చిల్లీస్ : తగినంత 

సగ్గుబియ్యం : ఒక కప్పు  

తయారీ విధానం : 

ముందుగా వెడల్పాటి పాన్‌లో కోడిగుడ్డు పగులకొట్టి.. అందులో ఉల్లి, కొత్తిమీర ఉల్లి తరుగు, పచ్చిమిర్చి ముక్కలు బాగా గిలకొట్టాలి. ఇందులోని చికెన్ ముక్కల్ని కలుపుకోవాలి. కోడిగుడ్డు మిశ్రమంలో చికెన్ ముక్కలు.. నానబెట్టి ఉడికించిన సగ్గుబియ్యం, తగినంత ఉప్పు వేసి మిక్స్ చేసి పక్కన పెట్టుకోవాలి.

తర్వాత స్టౌ మీద దోసె పెనం పెట్టి వేడయ్యాక దోసె పిండి పోసి దానిపై కోడిగుడ్డు మిశ్రమాన్ని పోసి.. దానిపై మరో దోసెతో మూతపెట్టి.. లోపలి మిశ్రమం ఉడికేంత వరకు ఉంచాలి. అంతే చికెన్-ఎగ్-సగ్గుబియ్యం దోసె రెడీ. దీనికి గ్రీన్ చట్నీ చేర్చి హాట్ హాట్‌గా సర్వ్ చేయాలి.