సచిన్... నాతో పెట్టుకున్నది మర్చిపో...: అలాగా... ఐతే ఈ సంగీతం మధ్యే చావు... సచిన్
మంద్రమైన సంగీతం. సుమధుర గీతాలు... ఆ తర్వాత డ్రమ్స్. మరికాసేపటికి ఆ సంగీతానికి తగినట్లుగా నాట్యం. ఇదీ ఇప్పటి కుర్రకారు ఎంజాయ్‌మెంట్స్‌లో కొన్ని. డ్యాన్స్ చేయాలంటే ప్రాక్టీసు కావాలి కదా. మరి ప్రాక్టీసు
మంద్రమైన సంగీతం. సుమధుర గీతాలు... ఆ తర్వాత డ్రమ్స్. మరికాసేపటికి ఆ సంగీతానికి తగినట్లుగా నాట్యం. ఇదీ ఇప్పటి కుర్రకారు ఎంజాయ్‌మెంట్స్‌లో కొన్ని. డ్యాన్స్ చేయాలంటే ప్రాక్టీసు కావాలి కదా. మరి ప్రాక్టీసు కావాలంటే డ్యాన్స్ స్కూలుకు వెళ్లాలి కదా. అలాగే 23 ఏళ్ల యోగిత అనే అమ్మాయి న్యూ ఢిల్లీలోని ఇగ్నోకు సమీపంలో సచిన్ అనే 24 ఏళ్ల యువకుడు నడుపుతున్న డ్యాన్సు స్కూలుకు పాఠాలు నేర్చుకునేందుకు వెళ్లింది. ఇది ఏడాది క్రితం మాట.
ఐతే ఆమె అలా స్కూలుకు వెళ్లిన మొదటిరోజే సచిన్ ప్రేమలో పడిపోయింది. ఇద్దరూ ఇక సంగీత పాఠాలతో పాటు ప్రేమ పాఠాలు కూడా నేర్చుకున్నారు. ఇద్దరిమధ్య ఎఫైర్ చాలా దృఢంగా మారిపోయింది. అంతలో ప్రేయసిలో మార్పు. తను మరో యువకుడిని పెళ్లాడబోతున్నట్లు సచిన్‌తో చెప్పేసింది. తనను మర్చిపోవాలని అంది. ఏడాదిగా సాగుతున్న ఎఫైర్‌కి ఇంతటితో ఫుల్ స్టాప్ పెట్టేద్దాం అని చెప్పింది. అంతే... షాక్ తిన్న సచిన్ పైకి ఏమీ చెప్పలేదు.
తనదైన శైలిలో డ్యాన్సు స్కూలుకు డెకరేట్ చేశాడు. సర్లే... పాఠాలు నేర్చుకుందువు రా అని పిలిచి... ఆమె మెడకు కరెంటు వైర్లను బిగించి హత్య చేశాడు. ఆ తర్వాత అతడు కూడా ఉరి వేసుకుని ఆత్మహత్యకు పాల్పడ్డాడు. విషయం తెలుసుకున్న పోలీసులు కేసు నమోదు చేసుకుని దర్యాప్తు చేస్తున్నారు.