Webdunia - Bharat's app for daily news and videos

Install App

ఈ పరిస్థితుల్లో రాజీనామా చేస్తే బీజేపీకి అవకాశం ఇచ్చినట్టే : అరవింద్ కేజ్రీవాల్

ఠాగూర్
శుక్రవారం, 24 మే 2024 (11:39 IST)
ప్రస్తుత పరిస్థితుల్లో తాను ముఖ్యమంత్రి పదవికి రాజీనామా చేస్తే అది భారతీయ జనతా పార్టీకి అవకాశం ఇచ్చినట్టేనని ఢిల్లీ ముఖ్యమంత్రి అరవింద్ కేజ్రీవాల్ అభిప్రాయపడ్డారు. అందువల్ల తాను ఎట్టిపరిస్థితుల్లోనూ సీఎం పదవికి రాజీనామా చేయబోనని పునరుద్ఘాటించారు. ఢిల్లీ లిక్కర్ పాలసీలో అరెస్టయిన అరవింద్ కేజ్రీవాల్‌కు ప్రస్తుతం లోక్‌సభ ఎన్నికల ప్రచారం కోసం తాత్కాలిక బెయిల్ మంజూరు చేసింది. ఈ ఢిల్లీలో లోక్‌సభ ఎన్నికల పోలింగ్ ముగిసిన తర్వాత ఆయన తిరిగి తీహార్ జైలు అధికారుల ఎదుట లొంగిపోవాలన్న షరతు విధించింది. 
 
ఈ నేపథ్యంలో ఆయన తన పదవికి రాజీనామా చేయాలని బీజేపీ నేతలు డిమాండ్ చేస్తున్నారు. వీటిపై ఆయన స్పందిస్తూ, తనకు అధికారం ముఖ్యం కాదన్నారు. మేం ప్రభుత్వంలో ఉన్నామా? లేక ప్రతిపక్షంలో ఉన్నామా? అనేది అనవసరమన్నారు. అది టైమ్ మాత్రమే నిర్ణయిస్తుందన్నారు. కానీ హామీలను పూర్తి చేయడమే తమ ముందున్న లక్ష్యమన్నారు. గతంలో ఆదాయపన్ను కమిషనర్ పదవిని వదులుకొని మురికివాడల్లో పని చేసినట్టు గుర్తుచేశారు. 
 
2013లో ముఖ్యమంత్రిగా బాధ్యతలు స్వీకరించినప్పటికీ 49 రోజుల్లోనే ఆ పదవికి రాజీనామా చేశానని గుర్తు చేశారు. ఆనాడు ఎందుకు రాజీనామా చేశావు? అని ఎవరూ అడగలేదన్నారు. చిన్న ఉద్యోగాన్ని కూడా ఎవరూ వదులుకోరన్నారు. ప్రస్తుతం తాను ప్రజల కోసం పోరాడుతున్నానని... అందుకే రాజీనామా చేయడం లేదన్నారు. 
 
2015లో తమ పార్టీ 67 సీట్లు, 2020లో 62 సీట్లు గెలుచుకుందన్నారు. ప్రస్తుతం ఎన్నికల్లో తమను ఓడించలేమని గుర్తించిన మోడీ... తనను అరెస్టు చేయించారని ఆరోపించారు. తప్పుడు కేసులతో తమ వారిని అరెస్టు చేశారని మండిపడ్డారు. తాను కనుక సీఎం పదవికి రాజీనామా చేస్తే మిగతా రాష్ట్రాల్లోని ప్రతిపక్ష ముఖ్యమంత్రులను కూడా అరెస్టు చేసే అవకాశం కేంద్రంలోని బీజేపీకి ఇచ్చినట్లే అవుతుందని ఆయన వ్యాఖ్యానించారు. ఆ తర్వాత బెంగాల్ సీఎం మమతా బెనర్జీ, తమిళనాడు సీఎం స్టాలిన్‌లను అరెస్టు చేయవచ్చునని.. అందుకే రాజీనామా చేయనని తేల్చి చెప్పారు. 

సంబంధిత వార్తలు

అన్నీ చూడండి

టాలీవుడ్ లేటెస్ట్

'కన్నప్ప'కు పోటీగా 'భైరవం' - వెండితరపైనే చూసుకుందామంటున్న మనోజ్!!

ఉగాది రోజున సినిమాకు పూజ - జూన్ నుంచి సినిమా షూటింగ్!!

Ranbir Kapoor- Keerthy Suresh: పెళ్లైనా జోష్ తగ్గని మహానటి

Pranathi: జపాన్ లో లక్ష్మీ ప్రణతి పుట్టినరోజు వేడుక చేసిన ఎన్.టి.ఆర్.

NTR: నా కథలు ఎన్.టి.ఆర్. వింటారు, ఇకపై మ్యాడ్ గేంగ్ కలవలేం : నార్నె నితిన్

అన్నీ చూడండి

ఆరోగ్యం ఇంకా...

3,500 Steps: మహిళలు ఆరోగ్యంగా వుండాలంటే.. రోజుకు...

మధుమేహ వ్యాధిగ్రస్తులు పుచ్చకాయ తినవచ్చా?

హెచ్ అండ్ ఎం నుంచి మహిళల కోసం సరికొత్త ఫ్యాషన్ దుస్తులు

రోజుకు ఒక గుప్పెడు కాలిఫోర్నియా బాదం పప్పులు తినండి

Coffee: చెడు కొలెస్ట్రాల్ స్థాయిని పెంచేసే కాఫీ.. ఎక్కువ తాగితే?

తర్వాతి కథనం
Show comments