అక్రమ సంబంధానికి సహకరించిందనీ... మహిళను నగ్నంగా చేసి.. భర్త ఎదుటే రేప్ చేశారు

మరో మహిళతో ఓ యువకుడు పెట్టుకున్న వివాహేతర సంబంధాన్ని ఓ మహిళ ప్రోత్సహించిందన్న అక్కసుతో భర్త కళ్లెదుటే నగ్నంగా చేసి అత్యాచారం చేసిన ఘటన ఒకటి వెలుగులోకి వచ్చింది. మహారాష్ట్రలోని బీడ్ జిల్లా వర్న్ గాల్‌వ

మరో మహిళతో ఓ యువకుడు పెట్టుకున్న వివాహేతర సంబంధాన్ని ఓ మహిళ ప్రోత్సహించిందన్న అక్కసుతో భర్త కళ్లెదుటే నగ్నంగా చేసి అత్యాచారం చేసిన ఘటన ఒకటి వెలుగులోకి వచ్చింది. మహారాష్ట్రలోని బీడ్ జిల్లా వర్న్ గాల్‌వాది గ్రామంలో జరిగింది. ఈ వివరాలను పరిశీలిస్తే... 

ఈ గ్రామానికి చెందిన ఓ మహిళ మరో మహిళతో ఓ యువకుడు పెట్టుకున్న అక్రమ సంబంధాన్ని ప్రోత్సహిస్తూ పెడదారి పట్టేలా చేస్తోందని యువకుడి కుటుంబం ఆగ్రహంతో రగిలిపోయింది. దీంతో ఆ మహిళకు తగినశాస్తి చేయాలని నిర్ణయించారు. 

అనుకున్నదే తడువుగా ఆ మహిళపై ఐదుగురు మహిళలు, నలుగురు పురుషులు సహా ఓ టీనేజీ బాలిక దాడి చేసి ఇంట్లో నుంచి బయటకు లాక్కొచ్చి నగ్నంగా చేసి చెప్పులతో కొట్టారు. ఆ తర్వాత పురుషులతో లైంగికదాడి చేయించేందుకు యత్నించారు. ఈ ఘటన ఈనెల 2వ తేదీన జరిగింది. 

భర్త ఎదుటే బాధితురాలిపై నిందితులు దాడి చేయడం గమనార్హం. క్షమించమని ప్రాధేయపడటంతో చివరకు వదిలేసినట్లు చెబుతున్నారు. ఈ ఘటనపై జిరాయ్ తాలుకాలోని ఛక్లాంబా పోలీస్ స్టేషన్ లో కేసు నమోదు చేశారు. దీంతో టీనేజీ బాలిక సహా దాడికి పాల్పడ్డ 9 మందిని అరెస్టు చేశారు.