రజనీకాంత్ రాజకీయాల్లోకి రారు సరే కానీ జయలలిత ఆరోగ్యం ఎలా ఉంది...?

దక్షిణాది సూపర్ స్టార్ రజినీకాంత్ రాజకీయాల్లోకి ఎట్టి పరిస్థితుల్లో అడుగుపెట్టరని రజినీ సోదరుడు సత్యనారాయణ మరోసారి స్పష్టీకరించారు. రజనీకాంత్ రాజకీయాల్లోకి రావడం తనకు ఇష్టం లేదనీ, అంతేకాదు తన కుటుంబ సభ్యులకు కూడా సుతారమూ ఇష్టం లేదని తెలిపారు. రజినీక

దక్షిణాది సూపర్ స్టార్ రజినీకాంత్ రాజకీయాల్లోకి ఎట్టి పరిస్థితుల్లో అడుగుపెట్టరని రజినీ సోదరుడు సత్యనారాయణ మరోసారి స్పష్టీకరించారు. రజనీకాంత్  రాజకీయాల్లోకి రావడం తనకు ఇష్టం లేదనీ, అంతేకాదు తన కుటుంబ సభ్యులకు కూడా సుతారమూ ఇష్టం లేదని తెలిపారు. రజినీకాంత్ సినిమాలే జీవితంగా ఉంటారన్నారు. ఇది ప్రస్తుతం రజినీకాంత్ పొలిటికల్ ఎంట్రీ గురించిన వార్త.

ఇదిలావుంటే మరో అంశంపై కూడా చెన్నైలో వాకబు మొదలైంది. అదేంటయా అంటే.. తమిళనాడు ముఖ్యమంత్రి జయలలిత ఆరోగ్యం గురించి. ఎప్పుడైనా ఆరోగ్య సమస్యలు తలెత్తితే ఇంటికే వైద్యులను పిలుపించుకుని వైద్యం చేయించుకునే అమ్మ జయలలిత ఈసారి ఆసుపత్రి పాలయ్యారు.

అమ్మ జయలలిత ఆరోగ్యం ఎలా ఉందో అంటూ చెన్నైలో పలువురు వాకబు చేస్తున్నారు. అన్నాడీఎంకే నాయకులు మాత్రం అమ్మ ఆరోగ్యానికి ఎలాంటి ఢోకా లేదని డంకా బజాయించి చెప్తున్నారు. కానీ జనం మాత్రం అమ్మ ఆరోగ్యం గురించి మాట్లాడుకుంటూనే ఉన్నారు.