మత్తుకళ్ల సుందరి మోనాలిసా ఇల్లు ఎలా ఉందో చూశారా? (Video)

ఉత్తరప్రదేశ్ రాష్ట్రంలోని ప్రయాగ్‌రాజ్‌లో జరుగుతున్న మహాకుంభమేళాలో కనిపించిన మోనాలిసా ఇపుడు ప్రపంచ వ్యాప్తంగా గుర్తింపు పొందారు. అయితే, యూపీలోని ఆమె ఇల్లు ఎలా ఉందో తెలిపే వీడియో ఒకటి ఇపుడు సోషల్ మీడియాలో వైరల్ అవుతుంది. 

ఈ మహాకుంభమేళాలో ఓ సుందరి తళుక్కున మెరిసిన విషయం తెల్సిందే. ఈ సుందరి ఫోటోలు, వీడియోలతో సోషల్ మీడియాలో మార్మోగిపోతున్నాయి. నల్ల పూసలు, రుద్రాక్ష మాలలు అమ్ముకునే ఈ యువతి ఫోటో, వీడియోను ఓ యూట్యూబ్ ఇన్ఫ్లూయెన్సర్ సోషల్ మీడియాలో షేర్ చేయడంతో ఒక్కసారిగా వరల్డ్ ఫేమస్ అయిపోయారు. 

అదేసమయంలో ఈ మత్తుకళ్ల మోనాలిసాకు సినిమా ఆఫర్లు కూడా వరిస్తున్నాయి. ఇప్పటికే ఓ బాలీవుడ్ దర్శకుడు సనోజ్ మిశ్రా ఆమెకు సినిమా ఛాన్స్ ఇచ్చేందుకు ముందుకు వచ్చారు. తన తదుపరి చిత్రంలో ఆమెకు అవకాశం కల్పించనున్నట్టు వెల్లడించారు. ఒక వేళ ఆమెకు నటన రాకుంటే శిక్షణ ఇప్పించి నటింపజేస్తానని ప్రకటించారు. 

ఇదిలావుంటే, రామ్ చరణ్ - బుచ్చిబాబు సానా దర్శకత్వంలో తెరకెక్కే ఆర్సీ-16లో కూడా మోనాలిసాకు సినిమా అవకాశం ఇవ్వనున్నట్టు ప్రచారం సాగుతుంది. ప్రస్తుతం ఈ చిత్రం షూటింగ్ ప్రారంభమైన విషయం తెల్సిందే. ఆర్సీ-16 అనే వర్కింగ్ టైటిల్ పేరుతో తెరకెక్కే ఈ చిత్రంలో మోనాలిసాకు ఎలాంటి పాత్ర ఇస్తారన్న అంశంపై క్లారిటీ లేదు. కానీ, టాలీవుడ్‌లో మాత్రం మత్తుకళ్ల సుందరికి సినిమా ఛాన్స్ మాత్రం ఖాయమనే ప్రచారం సాగుతోంది.