యూపీలో బీజేపీదే హవా: రేప్ మంత్రికి భారీ ఆధిక్యం.. ములాయం చిన్నకోడలు ఓటమి?

ఉత్తరప్రదేశ్ ఎన్నికల్లో క్లీన్ స్వీప్ చేస్తామని యూపీ బీజేపీ చీఫ్ కేశవ్ మౌర్య ధీమా వ్యక్తం చేశారు. ఈ ఎన్నికల్లోనే కాకుండా 2019లో జరిగే సాధారణ ఎన్నికల్లోనూ యూపీలోనూ బీజేపీ హవానే కొనసాగుతోందని జోస్యం తెల

ఉత్తరప్రదేశ్ ఎన్నికల్లో క్లీన్ స్వీప్ చేస్తామని యూపీ బీజేపీ చీఫ్ కేశవ్ మౌర్య ధీమా వ్యక్తం చేశారు. ఈ ఎన్నికల్లోనే కాకుండా 2019లో జరిగే సాధారణ ఎన్నికల్లోనూ యూపీలోనూ బీజేపీ హవానే కొనసాగుతోందని జోస్యం తెలిపారు. ఎన్నికల ఫలితాలను ఎగ్జిట్ పోల్స్ సరిగా అంచనా వేయలేక పోయాయని... తాము 300 స్థానాల్లో విజయఢంకా మోగించడం ఖాయమన్నారు. 

403 అసెంబ్లీ స్థానాలున్న యూపీలో అధికారం చేపట్టాలంటే.. ఏ పార్టీకైనా 202 స్థానాలు అవసరం.. అలాంటిది యూపీలో బీజేపీ అతిపెద్ద పార్టీగా అవతరిస్తుందని.. ఎగ్జిట్ పోల్స్ అవతరిస్తుందని తేల్చాయి. ఇదిలా ఉంటే.. యూపీ రాజధాని లక్నో కంటోన్మెంట్ స్థానం నుంచి అసెంబ్లీ ఎన్నికల్లో బరిలోకి దిగిన ములాయం సింగ్ యాదవ్ చిన్న కోడలు అపర్ణా యాదవ్ ఓటమి దిశగా అడుగులేస్తున్నారు. 

అపర్ణా యాదవ్‌పై బీజేపీకి చెందిన రీటా బహుగుణా జోషి ఆధిక్యంలో ఉన్నారు. మరోవైపు అత్యాచార ఆరోపణలు ఎదుర్కొన్న అఖిలేష్ యాదవ్ మంత్రివర్గంలోని సభ్యుడు ప్రజాపతి భారీ ఆధిక్యంలో దూసుకెళ్తున్నారు. అలహాబాద్‌లో సిద్ధార్ధనాథ్ సింగ్ ముందంజలో ఉండగా, పంజాబ్, అమృతసర్‌లో సిద్దూ ఆధిక్యంలో ఉన్నారు.