పెళ్ళి అయిపోయింది. ఇక శోభనమే. ఇక యధాతథంగానే పాలు గ్లాసుతో పెళ్ళి కూతురు పెళ్ళికొడుకు గదిలోకి వెళ్ళింది. ఎంతో ఆశతో పాలు తాగిన పెళ్ళికొడుకు బెడ్ పైన పడుకున్నాడు. ఇక ఏముంది పెళ్ళి కూతురు మెల్లగా బెడ్ పైన కూర్చుంది. పక్కనే ఉన్న పండ్లు ఉన్న ప్లేటు తీసుకుని పెళ్ళికొడుకు నెత్తిపై ఒకటి బాదింది.. అంతే...
ఉత్తరప్రదేశ్ లోని బిజునూర్ జిల్లాకు చెందిన యువకుడుకి హరిద్వార్‌కు చెందిన యువతికి రెండురోజుల క్రితం వివాహమైంది. పెద్దలు కుదిర్చిన పెళ్ళే. వివాహం ఆర్భాటంగా జరిగింది. కట్నకానుకలన్నీ ఇచ్చిపుచ్చుకోవడం అయిపోయాయి. పెళ్ళి కూతురుతో ఇక శోభనమే.
శోభనానికి పెద్దలు అంతా సిద్థం చేశారు. ముహూర్తం ఖరారు. సమయం ఆసన్నమైంది. పెళ్ళి కూతురిని గదిలోకి పంపారు. పంపడమే ఇక ఆలస్యం పెళ్ళి కొడుకు పెళ్ళి కూతురు చేతిలోని పాల గ్లాసును తీసుకొని తాగి రెచ్చిపోదామని డిసైడ్ అయ్యాడు. పెళ్ళి కూతురును మెల్లగా బెడ్ పైకి లాగాడు.
ఇక ఏముంది పెళ్ళి కూతురు అప్పటికే స్కెచ్‌తో వచ్చినట్లుంది. పండ్లు తినే విధంగా పక్కకు వెళ్ళింది. పండ్లతో బరువుగా ఉన్న ప్లేటును తీసుకొని పెళ్ళి కొడుకు తలపై ఒకే ఒక్క దెబ్బ కొట్టింది. అంతే పెళ్ళి కొడుకు అరుపులు కేకలు వేశాడు. శోభనంలో జరిగే అరుపులు అనుకుని పెద్దలు ఊరుకున్నారు.
తెల్లవారుజాము అయ్యింది. నూతన వధూవరులిద్దరు ఇంకా లేవలేదు. తలుపులు కొట్టి చూశారు. పెళ్ళి కొడుకు స్పృహ తప్పి పడిపోయి ఉన్నాడు. తలకు పెద్ద గాయమైంది. ఆసుపత్రిలో చేర్పించారు. తేరుకున్న పెళ్ళి కొడుకు అసలు విషయం చెప్పాడు. ఇంటిలోని సి.సి.కెమెరాలను చూశారు. పెళ్ళి కూతురు ప్రియుడితో ఇంటి వెనుక నుంచి పారిపోతూ కనిపించింది. ఇంకేముంది పోలీసులకు ఫిర్యాదు చేశారు.