సారా అలీఖాన్‌ ప్రేమలో సుశాంత్‌?.. బయట పెట్టిన స్నేహితుడు

బాలీవుడ్‌ నటుడు సుశాంత్‌ హీరోయిన్‌ సారా అలీఖాన్‌ తో ప్రేమలో పడ్డాడా?.. వారిద్దరూ రేయింబవళ్లు ప్రేమలో మునిగి తేలారా?.. అవుననే అంటున్నాడు సుశాంత్‌ స్నేహితుడు శామ్యూల్‌ హోకిప్‌.

ఓ ఆంగ్ల మీడియాతో మాట్లాడిన శామ్యూల్‌.. సుశాంత్‌-సారా ప్రేమాయణానికి సంబంధించిన విషయాలు బయటపెట్టాడు.

వారిద్దరి మధ్య లవ్‌ స్టోరీ నడిచినప్పుడు చిన్న పిల్లల మధ్య ఉండే స్వచ్ఛమైన ప్రేమ కనిపించేదని, కేవలం ప్రేమనే కాకుండా వారిద్దరికీ ఒకరంటే ఒకరికి చెప్పలేనంత గౌరవం ఉండేదని, ఒకరిపై మరొకరు కవితలు చెప్పుకొనేవారని చెప్పాడు.

సారా అలీఖాన్‌ తల్లి అమృతా సింగ్‌ కూడా వారి ప్రేమను వ్యతిరేకిస్తూ హెచ్చరించినట్లు శామ్యూల్‌ పేర్కొన్నాడు. 'కేదార్‌నాథ్‌' సినిమాలో సుశాంత్‌, సారా అలీఖాన్‌ కలిసి నటించారు.

సుశాంత్‌ తదుపరి చిత్రం 'సోన్‌చిరియా' బాక్సాఫీస్‌ వద్ద ఫ్లాప్‌ కావడంతో సుశాంత్‌తో సారా అలీఖాన్‌ బ్రేకప్‌ చేసుకుంది. అయితే సుశాంత్‌, సారా బ్రేకప్‌కి కారణం రియా చక్రవర్తే అని శామ్యూల్‌ చెప్పడం మరిన్ని అనుమానాలకు తావిస్తోంది.