రాజస్థాన్ రాష్ట్రంలోని ఉదయ్‌పూర్ జిల్లాలో ఓ గ్రామంలో పట్టపగలో దుశ్శాసన పర్వం జరిగింది. ఓ మహిళ తన భర్తను విడిచి ప్రియుడితో పారిపోయింది. ఆ తర్వాత ఆ మహిళను, ఆమె ప్రియుడిని పట్టుకుని వచ్చి నగ్నంగా చేసి, చెట్టుకు కట్టేసి కొందరు అల్లరి యువకులు వారితో సెల్ఫీలు తీసుకున్నారు. ఈ దారుణ తాజాగా వెలుగులోకి వచ్చింది. ఈ వివరాలను పరిశీలిస్తే...
ఉదయ్‌పూర్ జిల్లా కసోటియా గ్రామానికి చెందిన ఓ గిరిజన మహిళ... తన భర్తను విదిలి తాను ప్రేమించిన యువకుడితో పారిపోయింది. దీన్ని తీవ్ర అవమానంగా భావించిన ఆమె భర్త, కుటుంబ సభ‍్యులు, గామస్తులు కలసి.. ఆ మహిళ, ప్రియుడిని పట్టుకునివచ్చి నగ్నంగా చేసి గ్రామంలో ఊరేగించారు. ఆ తర్వాత ఇద్దరినీ అలాగే రెండు రోజుల పాటు కట్టేసి చిత్ర హింసలు పెట్టారు. ఈ సమయంలో కొందరు యువకులు సెల్ఫీలు, ఫోటోలు తీసి సోషల్ మీడియాలో పోస్ట్ చేశారు. ఈ దారుణం సోమవారం జరుగగా, తాజాగా వెలుగులోకి వచ్చింది.
ఇంత జరుగుతున్నా ఈ దారుణంపై ఏ ఒక్కరూ పోలీసులకు ఫిర్యాదు చేశారు. పైగా, ప్రభుత్వ కార్యాలయం, స్కూలుకు సమీపంలోనే ఈ సంఘటన జరిగినా.. ఉపాధ్యాయులు లేదా ప్రభుత్వ అధికారులు కూడా నోరెత్తలేదు. ఈ విషయం పోలీసుల దృష్టికి వచ్చాక శుక్రవారం బాధిత మహిళను రక్షించారు. ఈ దారుణానికి 30 మంది పాల్పడినట్టు తెలుస్తుండగా, మహిళా భర్త, ముగ్గురు మహిళలతో సహా 13 మందిపై కేసు నమోదు చేసి అరెస్ట్ చేశారు. ఆ గ్రామ పట్వారీని జిల్లా ఉన్నతాధికారులు సస్పెండ్ చేశారు. వివరణ ఇవ్వాల్సిందిగా టీచర్లను, వైద్య సిబ్బందిని ఆదేశించారు.