పాకిస్థాన్‌తో కలిసి భారత్ సాంస్కృతిక కార్యక్రమాలను నిర్వహించడాన్ని తాము వ్యతిరేకిస్తున్నామని.. గజల్ సింగర్ గులాం అలీ తన ప్రోగ్రామ్‌లను రద్దు చేసుకోవాలని శివసేన హెచ్చరించింది. పాకిస్థాన్‌తో కుదుర్చుకున్న సాంస్కృతిక కార్యక్రమాలను గజల్ సింగ్ వెంటనే రద్దు చేసుకోవాలని శివసేన డిమాండ్ చేసింది.
ఈ నెల 9వ తేదీన పాక్ గజల్ సింగర్ అలీ కన్సర్ట్ దేశంలోని వాణిజ్య నగరం ముంబైలో జరుగనున్న నేపథ్యంలో.. ఈ కన్సర్ట్ ఎట్టి పరిస్థితుల్లోనూ నిర్వహించేందుకు వీల్లేదని ఆ పార్టీ తేల్చి చెప్పేసింది.
ఒకవేళ గజల్ సింగర్ ఈ కార్యక్రమాన్ని రద్దు చేయని పక్షంలో శివసేన పార్టీ తీవ్ర నిరసనలు, ఆందోళనలు చేపడుతుందని వార్నింగ్ ఇచ్చింది. చిత్రపథ్ సేన ప్రధాన కార్యదర్శి అక్షయ్ బద్రాపుర్కార్ మాట్లాడుతూ, ‘పాక్‌తో సాంస్కృతిక కార్యక్రమాలు నిర్వహించడాన్ని వ్యతిరేకిస్తున్నామని, మన జవాన్లను ఆ దేశం పొట్టనబెట్టుకుంటుంటే.. పాక్ గాయకులను ఇక్కడికి ఎందుకు అనుమతించాలి’ అంటూ అడిగారు.