రైలుకు - ఫ్లాట్‌ఫామ్ ‌మధ్య పడిన యువతి.. మెరుపువేగంతో స్పందించిన కానిస్టేబుల్... (వీడియో)

ఫ్లాట్ ఫామ్ నుంచి కదిలిన రైలు ఎక్కేందుకు ప్రయత్నించిన ఓ యువతి.. పట్టుకోల్పోయి రైలుకు, ఫ్లాట్ ఫామ్‌ మధ్యలో పడిపోయింది. ఆ యువతిని ఓ కానిస్టేబుల్ మెరుపు వేగంతో స్పందించి రక్షించారు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతోంది. 

ఈ ఘటన మహారాష్ట్రలోని నాగ్‌పూర్ రైల్వే స్టేషన్ వద్ద జరిగింది. ఈ స్టేషనులో కదులుతున్న రైలులోకి ఓ యువతి పరుగెత్తుకుంటూ వచ్చి ఎక్కేందుకు ప్రయత్నించింది. అయితే, ఆ యువతి బోగీలోకి ఎక్కే సమయంలో కాలు జారడంతో పట్టుకోల్పోయి, కిందపడిపోయింది. 

దీంతో ఆ యువతిని పోలీస్ కానిస్టేబుల్ మెరుపు వేగంతో స్పందించి రక్షించడంతో ప్రాణాపాయం నుంచి తప్పించుకుంది. ఆ  కానిస్టేబుల్‌ను ఇతర రైల్వే ప్రయాణికులతో పాటు వీడియోను చూసిన నెటిజన్లు ప్రత్యేకంగా అభినందిస్తున్నారు.