బెంగుళూరులో రైతు సంఘం నేత రాకేష్ టికాయత్‌పై దాడి

బెంగుళూరులో రైతు సంఘం నేత రాకేష్ టికాయత్‌పై దాడి జరిగింది. బెంగుళూరులో జరిగిన రైతు సంఘాల సమావేశంలో ఆయన పాల్గొన్నారు. ఈ సందర్భంగా ఆయనపై నల్ల సిరాను చల్లి, కుర్చీలతో దాడి చేశారు. ఈ దాడి కూడా రైతు సంఘాలకు చెందిన గిట్టని ఓ వర్గం దాడి చేసినట్టు భావిస్తున్నారు. 

నిజానికి గత కొంతకాలంగా టికాయత్ వర్గానికి, చంద్రశేఖర్ వర్గానిక మధ్య విభేదాలు పొడచూపాయి. కావాలనే తనపై కొందరు దాడి చేశారని రాకేశ్ టికాయత్ ఆరోపించారు. అయితే, ఈ ఘటనకు సంబంధించి పూర్తి వివరాలు తెలియాల్సివుంది. ఈ దాడితో స్థానికంగా కలకలం చెలరేగగా, పోలీసులు కేసు నమోదు చేసి దర్యాప్తు చేస్తున్నారు.