జ్వరంతో బాధపడుతూ వచ్చిన బాలికపై పాకిస్థాన్ వైద్యుడొకరు లైంగిక దాడికి తెగబడ్డాడు. ఈ దారుణం అహ్మదాబాద్‌లో చోటుచేసుకుంది. ఈ వివరాలను పరిశీలిస్తే... పాకిస్థాన్‌కు చెందిన వైద్యుడు డాక్టర్ జైరామ్ లడ్హానీ వీసా గడువు పొడిగించుకుని గత నాలుగేళ్లుగా గుజరాత్‌ని అహ్మదాబాద్‌లోని సర్దార్ నగ‌ర్‌‌లో నివాసముంటున్నాడు.
అయితే, ఈయన వద్దకు తీవ్రమైన జ్వరంతో బాధపడుతూ 16 యేళ్ళ బాలిక వచ్చింది. ఆ బాలికను పరీక్షించిన జైరామ్... కొన్ని మందులు ఇచ్చి... సాయంత్రం మరోసారి వైద్యపరీక్షలకు రావాలని యువతికి సూచించాడు. దీంతో ఆ సాయంత్రం మరోసారి వెళ్లిన ఆ యువతిపై లైంగికదాడికి జైరామ్ లడ్హానీ ప్రయత్నించాడు.
అతని నుంచి తప్పించుకున్న బాలిక పోలీసులకు ఫిర్యాదు చేయగా, దర్యాప్తులో గతంలో చాలా మంది యువతులపై అత్యాచారయత్నం చేసినట్టు తెలుసుకున్న పోలీసులు విస్తుపోయారు. అతనిపై కేసు నమోదుచేసి దర్యాప్తు చేస్తున్నాయి. దీనిపై పూర్తి వివరాలు సేకరించిన తర్వాత డాక్టర్‌ను అరెస్టు చేస్తామని తెలిపారు.