62 ఏళ్ల వృద్ధుడు ఎయిర్ హోస్టెస్‌ను అసభ్యంగా అక్కడ తాకాడు...
ఈమధ్య విమానాల్లో కొంతమంది మగాళ్లు రెచ్చిపోతున్నారు. పక్క సీట్లో యువతులు వుంటే చాలు... కాళ్లు గోకటం, శరీరాన్ని తాకడం వంటి వెకిలి చేష్టలు చేస్తున్నారు. తాజాగా విస్తారా విమాన సంస్థకు చెందిన ఓ ఎయిర్ హోస్టెస్‌ పైన 62 ఏళ్ల వృద్ధుడు కూడా ఇలాంటి వెధవ పని చేస
ఈమధ్య విమానాల్లో కొంతమంది మగాళ్లు రెచ్చిపోతున్నారు. పక్క సీట్లో యువతులు వుంటే చాలు... కాళ్లు గోకటం, శరీరాన్ని తాకడం వంటి వెకిలి చేష్టలు చేస్తున్నారు. తాజాగా విస్తారా విమాన సంస్థకు చెందిన ఓ ఎయిర్ హోస్టెస్‌ పైన 62 ఏళ్ల వృద్ధుడు కూడా ఇలాంటి వెధవ పని చేసాడు. విమానంలో నుంచి దిగుతూ ఎయిర్ హోస్టెస్‌ను అసభ్యంగా తాకాడు. ఆమె వార్నింగ్ ఇచ్చినా అతడు దాన్ని పెద్దగా పట్టించుకోలేదు. మళ్లీ అదే పని చేశాడు. దీనితో ఆమె విషయాన్ని సీనియర్ల దృష్టికి తీసుకెళ్లింది. ఆ తర్వాత బాధితురాలి ఫిర్యాదు మేరకు పోలీసులు అతడిపై కేసు నమోదు చేసి అరెస్టు చేశారు.
ఇది నాలుగు రోజుల క్రితం ఢిల్లీలోని ఇందిరాగాంధీ ఎయిర్‌‌పోర్టు‌లో చోటుచేసుకుంది. లక్నో నుంచి ఢిల్లీ వచ్చిన విస్తారా యూకే 997 విమానంలో ప్రయాణికులందరూ దిగుతున్న సమయంలో పూణేకి చెందిన 62 ఏళ్ల రాజీవ్ వసంత్‌దనీ ఎయిర్ హోస్టెస్‌ను అసభ్యంగా తాకి వెకిలిగా ప్రవర్తించాడు. ఆమె వారించబోయినా అతడు మాట వినకపోవడంతో అతడిపై ఫిర్యాదు చేశారు.