ఆదర్శ దంపతులు.. రూ.కోట్ల ఆస్తిదానం.. కుమార్తెను కూడా...

డ‌బ్బే జీవితంగా, అదే ల‌క్ష్యంగా ఈ సమాజంలో ఎంతో మంది జీవిస్తున్నారు. ఇలాంటి వారందరికీ ఆ దంపతులు ఆదర్శంగా నిలిచారు. తమ రూ.100 కోట్ల ఆస్తిని ఈ దంపతులు దానం చేశారు.

డ‌బ్బే జీవితంగా, అదే ల‌క్ష్యంగా ఈ సమాజంలో ఎంతో మంది జీవిస్తున్నారు. ఇలాంటి వారందరికీ ఆ దంపతులు ఆదర్శంగా నిలిచారు. తమ రూ.100 కోట్ల ఆస్తిని ఈ దంపతులు దానం చేశారు. అంతేకాదు, అంత‌కుమించిన త్యాగం కూడా చేశారు. త‌మ మూడేళ్ల పాప‌కు కూడా వారు దూరంగా ఉండనున్నారు. దీనికంతటికీ కారణం... వారు సన్యాసి జీవితం తీసుకోవాలని నిర్ణయించుకోవడమ. ఈ కఠిన నిర్ణయం ప్రతిఒక్కరినీ ఆశ్చ‌ర్యంలో ముంచెత్తుతోంది. 

మధ్యప్రదేశ్ రాష్ట్రంలోని నీమచ్‌గకు చెందిన సుమిత్, అనామిక అనే ఈ దంప‌తులు సూరత్‌లో ఈ నెల 23న జైన్ స‌న్యాసులుగా మార‌నున్నారు. ఇప్ప‌టికే త‌మ కుమార్తెను బంధువుల‌కు ద‌త్త‌త ఇచ్చారు. క‌ష్ట‌ప‌డి సంపాదించిన ఆస్తిని, అల్లారు ముద్దుగా పెంచుకుంటోన్న కూతురిని వ‌దిలేసి వెళ్ల‌వ‌ద్ద‌ని వారి బంధువులు ఒత్తిడి తెచ్చిన‌ప్ప‌టికీ ఈ దంప‌తులు విన‌లేదు. భవ‌బంధాల‌ను తెంచుకుని ఆధ్యాత్మిక జీవిత‌మే లక్ష్యంగా వారు ఈ నిర్ణ‌యం తీసుకున్నారు. ఈ దంపతులకు సంబంధించిన వీడియో ఒకటి సోషల్ మీడియాలో వైరల్‌గా మారింది. దాన్ని మీరూ చూడండి.