ఆగ్రాలో దారుణం.. 15 ఏళ్ల బాలికను రేప్ చేసిన స్కూల్ డైరక్టర్.. వీడియో తీసి వాట్సాప్‌లో అప్‌లోడ్
ప్రముఖ పర్యాటక ప్రాంతమైన ఆగ్రాలో దారుణం జరిగింది. 15 యేళ్ళ బాలికను రేప్ చేసిన ఓ కామాంధుడు... ఆపై వీడియో తీసి దాన్ని వాట్సాప్‌లో అప్ చేశారు. ఈ దారుణానికి పాల్పడింది.. ఓ స్కూల్ డైరక్టరే కావడం గమనార్హం.
ప్రముఖ పర్యాటక ప్రాంతమైన ఆగ్రాలో దారుణం జరిగింది. 15 యేళ్ళ బాలికను రేప్ చేసిన ఓ కామాంధుడు... ఆపై వీడియో తీసి దాన్ని వాట్సాప్‌లో అప్ చేశారు. ఈ దారుణానికి పాల్పడింది.. ఓ స్కూల్ డైరక్టరే కావడం గమనార్హం. తాజాగా వెలుగులోకి వచ్చిన ఈ వివరాలను పరిశీలిస్తే..
ఆగ్రా, బగ్వాలా ప్రాంతంలోని శ్రీ కృష్ణా సెకండరీ స్కూల్ డైరెక్టర్‌గా జితేందర్ సింగ్ యాదవ్ అనే వ్యక్తి పని చేస్తున్నాడు. ఈయన కామాంధుడిగా అవతారమెత్తాడు. తమ స్కూల్‌లో విద్యాభ్యాసం చేసే 15 ఏళ్ల బాలికను తాను చెప్పినట్టు వినకపోతే పరీక్షల్లో ఫెయిల్ చేస్తానని బెదిరించి లోబర్చుకున్నాడు. ఆమె బతిమాలినా వినకుండా బాలికను రేప్ చేశాడు. అంతటితో ఆ కామాంధుడి అహం చల్లారలేదు. ఆమెతో గడిపిన వీడియోను వాట్సాప్‌లో పోస్ట్ చేసి పైశాచిక ఆనందం పొందాడు.
ఇది సోషల్ మీడియాలో వైరల్‌గా మారడంతో ఆ బాలిక దృష్టికి వచ్చింది. దీంతో పోలీసులను ఆశ్రయించింది. దాదాపు సంవత్సరం నుంచి తనను బలవంతంగా అనుభవిస్తున్నాడని పోలీసులకు ఇచ్చిన ఫిర్యాదులో పేర్కొంది. తాను చెప్పినట్లు రాకపోతే వీడియోను నెట్‌లో పెడతానని బెదిరించేవాడని ఆమె తెలిపింది. అతని ఉచ్చులో చిక్కుకుని 20 మందికి పైగా బాలికలు నరకం అనుభవిస్తున్నారని ఆ బాలిక వెల్లడించింది. పరారీలో ఉన్న కామాంధుడి కోసం పోలీసులు గాలిస్తున్నారు.