Meerut: భర్తను చంపింది.. జైలులో వుంటూ లా చదువుకోవాలట..

తన భర్తను హత్య చేసినట్లు ఆరోపణలు ఎదుర్కొంటున్న నేవీ ఆఫీసర్ సౌరభ్ రాజ్‌పుత్ భార్య ముస్కాన్ రస్తోగి, కోర్టులో తనను తాను ప్రాతినిధ్యం వహించడానికి మీరట్ జైలు అధికారుల నుండి లా చదవడానికి అనుమతి కోరినట్లు ది టైమ్స్ ఆఫ్ ఇండియా నివేదిక తెలిపింది.

వివరాల్లోకి వెళితే.. రస్తోగి తన న్యాయవాది మద్దతు పట్ల అసంతృప్తి వ్యక్తం చేసింది. దీంతో కోర్టులో హత్య కేసును స్వయంగా వాదించుకోవడం కోసం లా చదువుకోవాలనుకుంటున్నట్లు తెలిపింది. ముస్కాన్ తన భాగస్వామి సాహిల్ సహాయంతో తన భర్తను హత్య చేసినట్లు ఆరోపణలు ఎదుర్కొంటున్నారు. 

ఆమె అతని శరీరాన్ని ముక్కలుగా చేసి, నీలిరంగు డ్రమ్‌లో నింపి, నేరాన్ని కప్పిపుచ్చడానికి సిమెంట్‌తో నింపిందని ఆరోపించబడింది. మే 18న, మీరట్‌లోని బ్రహ్మపురి రాజ్‌పుత్ నివాసంలో డ్రమ్ మారుస్తుండగా కార్మికుడు మృతదేహాన్ని చూశాడు. ఈ కేసు సంచలనం సృష్టించింది. 

హిమాచల్ ప్రదేశ్‌లోని కసోల్ పర్యటన నుండి తిరిగి వచ్చిన తర్వాత ముస్కాన్, సాహిల్‌లను అరెస్టు చేశారు. కోర్టు వారి బెయిల్ పిటిషన్‌ను తిరస్కరించిన తర్వాత వారిని మీరట్‌లోని చౌదరి చరణ్ సింగ్ జిల్లా జైలుకు పంపారు.