స్నేహితుడికి కాబోయే భార్యను బెదిరించి రూ.5 లక్షలు వసూలు చేయాలని భావించిన బడా పారిశ్రామికవేత్త కుమారుడిని ముంబై పోలీసులు అరెస్టు చేశారు. తాజాగా వెలుగులోకి వచ్చిన ఈ వివరాలను పరిశీలిస్తే...
ముంబైకు చెందిన వివేక్ అగర్వాల్. ఎంబీఏ చేస్తున్నాడు. బడా వ్యాపారవేత్త కుమారుడు. డబ్బుకూ, జల్సాలకు ఏమాత్రం కొదవలేదు. ఈయనకో స్నేహితుడు ఉన్నాడు. ఇతనికి ముంబైలోని ఓ బ్యాంకులో చార్టెడ్ అకౌంటెంట్‌గా పని చేస్తున్న 23 యేళ్ళ యువతితో త్వరలో వివాహం కానుంది.
దీంతో తనకు కాబోయే భార్యను వివేక్ అగర్వాల్‌కు ఆ స్నేహితుడు పరిచయం చేశాడు. ఇదే అదనుగా భావించిన వివేక్.. ఆమె మొబైల్‌ను దొంగిలించి అదులోని వ్యక్తిగత ఫోటోలను పెన్‌డ్రైవ్‌లో కాపీ చేసుకున్నాడు. ఆ తర్వాత తనలోని వక్రబుద్ధిని బయపటపెట్టాడు.
తనకు రూ.5 లక్షలు ఇవ్వాలని లేదంటే ప్రైవేట్ ఫోటోలను బయటపెడతానని ఆ యువతిని బెదిరించసాడు. దీంతో ఏం చేయాలో తోచని ఆ యువతి పోలీసులను ఆశ్రయించింది. వారిచ్చిన సలహా మేరకు డబ్బులు ఇస్తాను కుర్లా స్టేషన్‌కు రమ్మని వివేక్‌కు చెప్పింది.
తమ ప్లాన్ ప్రకారం అతడిని అక్కడే పట్టుకోడానికి పోలీసులు మఫ్టీలో వెళ్లారు. అది పనిచేసి, అతడు దొరికేశాడు. ఈ ఫొటోలను ఆమె మొబైల్ ఫోన్ నుంచి తీసుకున్నానని, తనకు రూ.10-15 లక్షల వరకు అప్పులు ఉండటంతో ఇలా చేశానని అతడు చెప్పాడని పోలీసులు తెలిపారు. దీంతో అతడిపై కేసు నమోదు చేసి అరెస్టు చేశారు.