రోడ్డుపై వెళుతున్న అమ్మాయికి పోలీసుల వేధింపులు...

మధ్యప్రదేశ్ రాష్ట్ర రాజధాని భోపాల్‌లో రోడ్డుపై నడుచుకుంటూ వెళుతున్న అమ్మాయికి ఓ పోలీస్ కానిస్టేబుల్ వేధించాడు. ఆమెపై అభ్యంతరకరంగా చేతులు వేస్తూ అసభ్యంగా ప్రవర్తించాడు. అయితే, ఆ బాలిక ఆ పోలీస్ వేధింపుల నుంచి ఎలాగోలాబయటపడింది. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ కావడంతో తెలుగు చిత్రపరిశ్రమకు చెందిన నటి మంచు లక్ష్మీ ఘాటుగా స్పందించారు. 

"ఈ దారుణాన్ని చూస్తుంటే రక్తం మరిగిపోతుంది. అందరినీ కాపాడాల్సిన పోలీసే ఇంతటి దారుణానికి ఒడిగడితే ఇంకెవరిని సాయం చేయమని అడుగుతాం? అని ఆవేదన చెందుతున్నారు. ఇక ఈ వీడియో తీసినవాళ్ళు పోలీస్ నుంచి ఆ అమ్మాయిని కాపాడితే బాగుంటుందని కామెంట్స్ చేస్తున్నారు.