పెళ్లయిన మహిళను ప్రేమించి ఆమెతో పరార్: పట్టుకుని మూత్రం తాగించి గుండు కొట్టారు

మధ్యప్రదేశ్ రాష్ట్రంలోని ఉజ్జయిని జిల్లాలో దారుణం చోటుచేసుకున్నది. వివాహితను ప్రేమించి ఆమెను తీసుకుని పారిపోయిన యువకుడిని చితకొట్టి, బలవంతంగా మూత్రం తాగించారు. ఆ తర్వాత అతడికి గుండు కొట్టించి మెడలో చెప్పులు దండ వేశారు. ఈ ఘటనకు సంబంధించిన కొన్ని వీడియోలు సోషల్ మీడియాలో షేర్ అయ్యాయి.

ఆ వీడియోలో ఓ వ్యక్తి చెప్పుల దండను ధరించి, బాటిల్‌లోని మూత్రం అని భావించే ద్రవాన్ని తాగుతున్నట్లు కనిపించాడు. కొంతమంది అరుస్తూ అతనిపై దాడి చేస్తూ కనిపించారు. మరో వీడియోలో వ్యక్తి తన చేతితో పట్టుకున్న చెప్పుతో కొట్టడం, అతని తలపై చెప్పు పెట్టమని బలవంతం చేయడం కనబడింది. సదరు వ్యక్తి అతడి మీసాలలో సగం, తల జుట్టు భాగాలను కత్తిరించినట్లు కనిపిస్తోంది.

దీని గురించి అడిషనల్ సూపరింటెండెంట్ ఆఫ్ పోలీస్ నితీష్ భార్గవ విలేకరులతో మాట్లాడుతూ, మూడు-నాలుగు రోజుల నాటి వీడియో క్లిప్‌లను తాము గుర్తించామని, బాధితుడిని సంప్రదించామని చెప్పారు. "వీడియోలు పోలీసుల దృష్టికి వచ్చిన తరువాత, మేము ముందుగానే బాధితుడి ఇంటికి వెళ్లాము, కానీ అతను అక్కడ లేడు" అని చెప్పాడు.

ఈ ఘటన వెనుక గల కారణాలపై ఇంకా స్పష్టత రాలేదని, బాధితురాలితో మాట్లాడిన తర్వాత నిర్ధారిస్తామని అధికారి తెలిపారు. తాము ముందస్తుగా బాధితుడిని సంప్రదించినప్పటికీ అతడి నుంచి ఇప్పటివరకు ఎటువంటి ఫిర్యాదు చేయలేదు అని అతను చెప్పాడు.