గర్భంతో వున్న మేకపై అత్యాచారం.. రక్తస్రావంతో మృతి.. వ్యక్తి అరెస్ట్

కేరళలో నీచమైన ఘటన చోటుచేసుకుంది. కామాంధులు మహిళలపై విరుచుకుపడటమే కాకుండా నోరు లేవి మూగజీవాలపై కూడా వదిలిపెట్టట్లేదు. తాజాగా అలాంటి ఘటనే కేరళలో చోటుచేసుకుంది.

కేరళలో ఓ హోటల్‌లో పనిచేసే ఉద్యోగి గర్భంతో వున్న మేకపై అకృత్యానికి పాల్పడ్డాడు. గర్భంతో వున్న మేకతో అసహజ లైంగిక చర్యకు పాల్పడ్డాడనే ఆరోపణలతో తమిళనాడుకు చెందిన 37 ఏళ్ల హోటల్ ఉద్యోగిని పోలీసులు గురువారం అరెస్టు చేశారు.

వివరాల్లోకి వెళితే.. తమిళనాడులోని పుదుక్కోట్టై జిల్లాలోని అరంతంగికి చెందిన సెంథిల్‌ను పోలీసులు అరెస్టు చేసి, ఐపిసి సెక్షన్ 377 కింద కేసు కోర్టులో హాజరు పరిచారు.

కోర్టు అతనికి 14 రోజుల జ్యుడీషియల్ కస్టడీ విధించింది. ఇకపోతే. ఈ సంఘటన బుధవారం రాత్రి జరిగింది. కోటచేరిలోని ఒక హోటల్ పెరట్లో రెండు మేకలను కట్టారు. 

కానీ మేక అరుపులు విన్న హోటల్ ఉద్యోగులు అక్కడికి చేరుకుని నాలుగు నెలల గర్భిణి మేకకు రక్తస్రావం అవుతున్నట్లు గుర్తించారు. కొంత సేపటి తర్వాత మేక గాయాలతో మరణించింది. 

ఆపై మేకపై మద్యం మత్తులో ఉన్న సెంథిల్ అసహజ లైంగిక దాడికి పాల్పడినట్లు గుర్తించిన హోటల్ ఉద్యోగులు పట్టుకుని పోలీసులకు అప్పగించారు.

విచారణలో అతను నేరాన్ని అంగీకరించాడని పోలీసులు తెలిపారు. సెంథిల్ మూడు నెలల క్రితమే కేరళ హోటల్‌లో ఉద్యోగం కోసం చేరాడని పోలీసుల విచారణలో తేలింది.