తృణమూల్ కాంగ్రెస్‌కి చెందిన ఇద్దరు ఎంపీలు జైలు ఊచలు లెక్కించేలా చేసిన రోజ్ వ్యాలీ చిట్ ఫండ్ కేసు ప్రస్తుతం సెక్స్ స్కామ్‌గా సరికొత్త మలుపు తిరిగింది. ఇదే అంశం త్వరలో పార్లమెంటులోనూ హల్‌చల్ చేసే సూచనలు లేకపోలేదు.
తృణమూల్ కాంగ్రెస్‌కి చెందిన ఇద్దరు ఎంపీలు జైలు ఊచలు లెక్కించేలా చేసిన రోజ్ వ్యాలీ చిట్ ఫండ్ కేసు ప్రస్తుతం సెక్స్ స్కామ్‌గా సరికొత్త మలుపు తిరిగింది. ఇదే అంశం త్వరలో పార్లమెంటులోనూ హల్‌చల్ చేసే సూచనలు లేకపోలేదు. చిట్‌ఫండ్ కేసును విచారిస్తున్న నోడల్ అధికారి మనోజ్ కుమార్ లేదా అచ్చం అలాగే ఉన్న ఓ వ్యక్తి... సుభ్ర కుండును పోలిన ఓ మహిళతో ఢిల్లీలోని ఓ హోటల్‌లోకి వెళ్లినట్టు వీడియో ఫూటేజిలో వెల్లడయింది.
సుభ్ర కుండు.. రూ. 17 వేల కోట్ల మేర భారీ మోసానికి పాల్పడిన రోజ్ వ్యాలీ చిట్‌ఫండ్ సంస్థ యజమాని గౌతం కుండు భార్య. అతడిని 2015లోనే అరెస్టు చేశారు. గత నెలలో కోల్‌కతా ఎయిర్ పోర్టులో ప్రవేశించిన సుభ్ర కుండు.... తర్వాత ఢిల్లీలోని ఓ హోటల్‌లో దిగినట్టు సీసీటీవీ ఫూటేజిల ద్వారా పోలీసులు గుర్తించారు.
ఈ వీడియోను గత రాత్రి పోలీసులు స్వాధీనం చేసుకున్నారు. ఇంకా ఈడీ అధికారికి సుభ్ర కుండుకు సంబంధాలున్నట్లు పోలీసులు పసిగట్టారు. ఈ కేసుపై పోలీసులు దర్యాప్తును వేగవంతం చేశారు.