చికెన్ తింటున్నాడు.. వేధింపులకు గురిచేస్తున్నాడు.. విడాకులిచ్చేయండి..

ప్రేమించిన వ్యక్తి కోసం ఆ మహిళ తల్లిదండ్రులకు దూరమైంది. మతాలు వేరైనప్పటికీ.. అతడినే పెళ్లి చేసుకుంది. కానీ పెళ్లికి ముందు ప్రేమ మైకంలో చికెన్‌ కాదు.. మాంసాహారమే ముట్టనని మాటిచ్చిన ప్రేమికుడు.. పెళ్లై

ప్రేమించిన వ్యక్తి కోసం ఆ మహిళ తల్లిదండ్రులకు దూరమైంది. మతాలు వేరైనప్పటికీ.. అతడినే పెళ్లి చేసుకుంది. కానీ పెళ్లికి ముందు ప్రేమ మైకంలో చికెన్‌ కాదు.. మాంసాహారమే ముట్టనని మాటిచ్చిన ప్రేమికుడు.. పెళ్లై ఐదేళ్లు గడిచినా చికెన్‌ను ఏమాత్రం వదిలిపెట్టలేదు. దీంతో ఇక చేసేది లేక ఆ మహిళ విడాకుల కోసం కోర్టును ఆశ్రయించింది.

వివరాల్లోకి వెళితే.. ఆరేళ్ల‌ క్రితం గుజరాత్‌లోని అహ్మదాబాద్‌లో ఉండే జైన మతానికి చెందిన రీమా అనే యువ‌తి బీహార్‌కు చెందిన కరణ్‌ను ప్రేమించింది. ఆ యువ‌తి డిగ్రీ చ‌దువుతుండ‌గా కరణ్ వృత్తి రీత్యా కంప్యూటర్ ఆప‌రేట‌ర్‌గా పనిచేసేవాడు. 

వీరిద్దరి మధ్య ఏర్పడిన పరిచయం ప్రేమకు దారితీసింది. అయితే తనను పెళ్లి చేసుకోవాలంటే.. మాంసాహారం ముట్టకూడదని ప్రియుడికి షరతు పెట్టింది. అతను కూడా ఇందుకు ఒప్పుకున్నాడు. కానీ ఇచ్చిన మాటను నిలబెట్టుకోలేకపోయాడు. అప్పుడప్పుడు బయటికి వెళ్లి చికెన్ తిని వచ్చేవాడు. ఈ విషయంలో భార్యాభర్తల మధ్య గొడవలు జరిగేవి. 

కానీ తమ దాంపత్య జీవితానికి గుర్తుగా కవల పిల్లలు పుట్టినా.. ఆ మహిళ మాత్రం తన భర్త మాంసాహారం ఇష్టానికి తినేస్తున్నాడని.. ఇంకా వేధింపులకు కూడా గురిచేస్తున్నాడని భరించలేకపోతున్నానని కోర్టును ఆశ్రయించింది. ఇంకా అతని నుంచి తనకు విడాకులు ఇప్పించాలని కోర్టును కోరింది. ఇందుకు అంగీకారం కూడా లభించింది. ఫలితంగా ఈ జంట విడాకుల ద్వారా తమ వివాహ బంధాన్ని తెగతెంపులు చేసుకోనున్నారు.