వావి వరుసలు మంటగలిసిపోతున్నాయి. మహిళలపై అకృత్యాలు పెచ్చరిల్లిపోతున్నాయి. తాజాగా 13 ఏళ్ల కుమార్తెను గర్భవతిని చేశాడు ఓ దుర్మార్గుడు. ఈ ఘటన తమిళనాడు, విల్లుపురం జిల్లాలోని ఓ గ్రామంలో చోటుచేసుకుంది. అలాగే 13 ఏళ్ల కుమార్తెను గర్భవతిని చేసిన ప్రబుద్ధుడిని పోలీసులు అరెస్ట్‌ చేశారు. ఈ జిల్లాలోని ఓ గ్రామానికి చెందిన 13 ఏళ్ల బాలిక 9వ తరగతి చదువుతుంది.
ఇటీవల అస్వస్థతకు గురైన బాలికను తల్లి విల్లుపురం వైద్యకళాశాలకు తీసుకెళ్లింది. అక్కడ వైద్యులు పరీక్షించి బాలిక నాలుగు నెలల గర్భవతిగా నిర్ధారించారు.. ఈ విషయమై బాలిక తల్లి విల్లుపురం పోలీస్‌స్టేషన్‌లో ఫిర్యాదు చేసింది. పోలీసులు బాలికను విచారించగా, తండ్రే తనపై అత్యాచారానికి పాల్పడినట్లు బాలిక తెలిపింది. దీంతో పోక్సో చట్టంపై కేసు నమోదుచేసిన పోలీసులు, కామాంధుడైన బాలిక తండ్రిని అరెస్ట్‌ చేసి జైలుకు తరలించారు.