భారత సార్వత్రిక ఎన్నికలు 2024 చివరి దశకు చేరుకుంది. జూన్ 1 చివరి దశ పోలింగ్ జరగనుంది. జూన్ 4న ఫలితాలు వెల్లడికానున్నాయి. మొత్తం ఎన్నికల ప్రక్రియను భారతదేశంలో పండుగలా జరుపుకుంటారు. పోస్ట్ పోల్ సర్వేలపై ప్రజలు చాలా ఆసక్తిగా ఉన్నారు. ఫలితాలను తెలుసుకోవడానికి ఆసక్తిగా ఉన్నారు.
ఎగ్జిట్ పోల్ ఫలితాలు రేపు సాయంత్రం ప్రకటించబడతాయి. జూన్ 4న, ప్రతి ఒక్కరూ తమ టీవీలు, మొబైల్ ఫోన్‌లు, ల్యాప్‌టాప్‌లకు అతుక్కుపోయి, ప్రతి రాష్ట్రంలో కౌంటింగ్‌ను ట్రాక్ చేయడంతో, అంచనాలు మరింత ఎక్కువగా ఉంటాయి.
ప్రజలు ఈ అనుభూతిని మరింతగా ఆస్వాదించడానికి, సినిమా థియేటర్ యజమానులు కౌంటింగ్ ప్రక్రియను పెద్ద స్క్రీన్‌పై ప్రత్యక్షంగా ప్రదర్శించాలని నిర్ణయించుకున్నారు.
మహారాష్ట్రలోని కొన్ని థియేటర్లు ఈ కార్యక్రమాన్ని ప్రారంభించాయి. బుకింగ్‌లను కూడా ప్రారంభించాయి. ఈ స్క్రీనింగ్‌లు మూసి ఉన్న ఆడిటోరియంలో 500 మందితో కూర్చొని ఫలితాలను తెలుసుకునే థ్రిల్‌ను అనుభవించడానికి ప్రజలను అనుమతిస్తాయి.
నాగ్‌పూర్‌లో మూవీ మ్యాక్స్ ఎటర్నిటీ, నాసిక్‌లోని మూవీ మ్యాక్స్: ది జోన్ కూడా ఎన్నికల కౌంటింగ్‌ను ప్రదర్శిస్తాయి. ప్రదర్శనలు ఉదయం 9 గంటలకు ప్రారంభమవుతాయి. ఆరు గంటల పాటు కొనసాగవచ్చు.
టిక్కెట్ ధరలు రూ. 99 నుండి రూ.300ల వరకు వుంటాయి. రానున్న రోజుల్లో ఇతర రాష్ట్రాలు కూడా ఇదే ట్రెండ్‌ని అనుసరించే అవకాశం ఉంది. అయితే, లైసెన్సింగ్ సమస్యల కారణంగా తెలంగాణ, ఆంధ్రప్రదేశ్‌లో స్క్రీనింగ్‌లు సాధ్యం కాదు. కాబట్టి, తెలుగు రాష్ట్రాల్లోని ప్రజలకు థియేటర్‌లో ఎన్నికలను ప్రత్యక్షంగా అనుభవించే అవకాశం ఉండదు.