Webdunia - Bharat's app for daily news and videos

Install App

దేశంలో కరోనా మహోగ్రరూపం : విజయోత్సవ ర్యాలీలపై ఈసీ నిషేధం

Webdunia
మంగళవారం, 27 ఏప్రియల్ 2021 (12:36 IST)
దేశంలో కరోనా వైరస్ మహోగ్రరూపందాల్చింది. ఈ వైరస్ దెబ్బకు అనేక మంది పిట్టల్లా రాలిపోతున్నారు. ప్రతి రోజూ లక్షలాది కేసులు నమోదవుతున్నాయి. ఈ క్రమంలో కేంద్ర ఎన్నికల సంఘం కీలక నిర్ణయం తీసుకుంది. 
 
మే 2న నాలుగు రాష్ట్రాలు, కేంద్ర పాలిత ప్రాంతం ఎన్నికల ఫలితాలు వెలువడే రోజు, ఆ తర్వాత విజయోత్సవ ర్యాలీలను నిషేధించింది. ఎన్నికల్లో గెలిచిన అభ్యర్థులు ఎలాంటి సంబరాలు నిర్వహించొద్దని స్పష్టం చేసింది. 
 
విజేతలుగా నిలిచిన అభ్యర్థులు రిటర్నింగ్‌ అధికారి నుంచి ధ్రువీకరణ పత్రాలు తీసుకునే సయమంలో వారి వెంటనే ఇద్దరు మించి ఉండరాదని ఆదేశించింది. కరోనా వ్యాప్తి కట్టడిలో భాగంగా అన్ని రాజకీయ పార్టీలు, నేతలు ఈ నిబంధనలు తప్పనిసరిగా పాటించాలని సూచించింది.
 
కాగా, ఎన్నికలు జరిగిన ఐదు రాష్ట్రాలైన పశ్చిమ బెంగాల్‌, కేరళ, తమిళనాడు, అసోం, పుదుచ్చేరి రాష్ట్రాల అసెంబ్లీ ఎన్నికల ఫలితాలు మే 2న వెలువడనున్నాయి. బెంగాల్‌లో ఇప్పటికే ఏడు దశల పోలింగ్‌ పూర్తవగా.. ఏప్రిల్‌ 29న చివరి విడత ఓటింగ్‌ నిర్వహించనున్నారు. 
 
అయితే కరోనా కేసులు పెరుగుతున్న వేళ ఈ ఎన్నికలు విమర్శలకు దారితీశాయి. ప్రచారం పేరుతో రాజకీయ నాయకులు పెద్ద ఎత్తున ర్యాలీలు, బహిరంగ సభలు నిర్వహించడంతో ఎన్నికలు సూపర్‌ స్ప్రెడర్‌ ఈవెంట్లుగా మారాయని పలువురు ఆందోళన వ్యక్తం చేశారు.
 
మరోవైపు ఎన్నికల ఎఫెక్ట్‌ పశ్చిమ బెంగాల్‌పై తీవ్రంగానే పడింది. అక్కడ గత కొద్ది రోజులుగా కరోనా కేసులు విపరీతంగా పెరిగాయి. దీంతో బెంగాల్‌లో అన్ని రోడ్‌షోలు, పాదయాత్రలు, ర్యాలీలను ఈసీ నిషేధించింది. ముఖ్యంగా, వెస్ట్ బెంగాల్ రాష్ట్రంలో పరిస్థితి మరింతగా దిగజారిపోవడానికి ప్రధాన కారణం ప్రధాని నరేంద్ర మోడీ, హోం మంత్రి అమిత్ షాలు నిర్వహించిన బహిరంగ సభలేనని అనేక మంది ఆరోపిస్తున్నారు. 

సంబంధిత వార్తలు

అన్నీ చూడండి

టాలీవుడ్ లేటెస్ట్

Mangli Birthday: త్రిపుర రిసార్ట్‌లో మంగ్లీ పుట్టిన రోజు.. డ్రగ్స్ టెస్టులో పాజిటివ్

AS Ravi Kumar Chowdhury: యజ్ఞం దర్శకుడు AS రవి కుమార్ చౌదరి మృతి

Vijay: విజయ్ దేవరకొండ రౌడీ జనార్ధన్‌ లో గ్రే షేడ్స్‌ తో డా. రాజశేఖర్

Chiru: మెగాస్టార్ చిరంజీవి విశ్వంభర విడుదలలో మిస్టరీ కొనసాగుతోంది

మాల్దీవుల్లో కీర్తి సురేష్ రొమాంటిక్ వెకేషన్... భర్తతో కలిసి ఎంజాయ్...

అన్నీ చూడండి

ఆరోగ్యం ఇంకా...

ఓరి వీడి లవ్ ప్రపొజల్ ఐడియా తగలెయ్య (video)

కొబ్బరి కల్లు తాగితే ఏం జరుగుతుందో తెలుసా?

శంఖం పువ్వులు ఆరోగ్యానికి చేసే మేలు ఏమిటి

తీపి పదార్థాలు తెచ్చే అనారోగ్యాలు

Horse Gram: మహిళలకు మేలు చేసే ఉలవలు.. ఆ నొప్పులు మటాష్

తర్వాతి కథనం
Show comments