దక్షిణ ఢిల్లీకి చెందిన అగర్వాల్ మెడికల్ సెంటర్‌లో నకిలీ వైద్యులు ఎటువంటి సరైన అనుమతి లేకుండా శస్త్ర చికిత్సలు నిర్వహిస్తున్నారని తేలింది. దీనిపై డిప్యూటీ కమీషనర్ ఆఫ్ పోలీస్ (సౌత్) చందన్ చౌదరి మీడియాతో మాట్లాడుతూ ఆసుపత్రిలో ఉపయోగిస్తున్న ఆపరేషన్ టేబుల్, ఇతరత్రా పరికరాలు పాతవని చెప్పారు.
ఎనిమిది మంది వ్యక్తులు శస్త్రచికిత్స సమయంలోనూ, చికిత్స సమయంలో మరణించినట్లు పోలీసుల విచారణలో తేలింది. మరోవైపు ఫోరెన్సిక్ సైన్స్ లేబొరేటరీ (ఎఫ్‌ఎస్‌ఎల్) బృందం కూడా కేంద్రాన్ని సందర్శించి ఆధారాలు సేకరించింది.
అగర్వాల్ మెడికల్ సెంటర్ కేసులో ముగ్గురు నిందితుల పోలీసు కస్టడీని ఐదు రోజుల పాటు పొడిగించినట్లు చౌదరి తెలిపారు. డాక్టర్లు నీరజ్, అతని భార్య పూజ, మహేందర్ కస్టడీని ఐదు రోజుల పాటు పొడిగించినట్లు డీసీపీ తెలిపారు.
అక్టోబర్ 10, 2022న, ఢిల్లీలోని సంగమ్ విహార్‌కు చెందిన ఒక మహిళ తన భర్త సెప్టెంబర్ 19, 2022న అగర్వాల్ మెడికల్ సెంటర్‌లో పిత్తాశయ రాళ్ల తొలగింపు శస్త్రచికిత్స చేయించుకున్నారని ఫిర్యాదు చేసింది.
డాక్టర్ మహేందర్ సింగ్-డాక్టర్ పూజ "నకిలీ వైద్యులు" అని తరువాత కనుగొన్నట్లు మహిళ తన ఫిర్యాదులో పేర్కొంది. శస్త్రచికిత్స తర్వాత నొప్పిని ఎదుర్కొని... సఫ్దర్‌జంగ్ అనే తన భర్త మరణించినట్లు ఫిర్యాదులో వెల్లడించింది.