18 యేళ్లలోపు పిల్లలకు కరోనా వ్యాక్సిన్ సిద్ధం

దేశంలో 18 యేళ్లలోపు చిన్నారులకు కూడా కరోనా వైరస్ వ్యాక్సిన్ సిద్ధమైంది. 12 నుంచి 18 యేళ్లలోపు చిన్నారులకు వ్యాక్సిన్ వేసేందుకు వీలుగా 'కోర్బెవాక్స్'ను కేంద్రం అనుమతి ఇచ్చింది. 

హైదరాబాద్‌కు చెందిన ఫార్మా పరిశోధనా సంస్థ "బయోలాజికల్ ఈ" అనే కంపెనీ ఈ వ్యాక్సిన్‌ను తయారు చేసింది. దీనికి భారత ఔషధ నియంత్రణ సంస్థ (డీసీజీఐ) కూడా అనుమతి ఇచ్చింది. 12 యేళ్ల నుంచి 18 యేళ్ల లోపు వారికి అత్యవసర వినియోగానికి ఈ వ్యాక్సిన్‌ను వేయనున్నారు. 

కాగా, దేశంలో ఇప్పటివరకు 15 యేళ్ళ నుంచి 18 యేళ్లలోపు వారికి భారత్ బయోటికె తయారు చేసిన కోవాగ్జిన్ టీకాను వేస్తున్న విషయం తెల్సిందే. ఇపుడు చిన్నారుల కోసం కొత్తగా కోర్బెవాక్స్ అందుబాటులోకి వచ్చింది.