యోగి నామం జపించండి.. లేదా యూపీని వదిలి వెళ్లిపోండి.. హోర్డింగ్ కలకలం
యూపీలో సీఎం యోగి ఆదిత్యనాథ్ సంచలన నిర్ణయాలతో జెట్ వేగంతో దూసుకెళ్తున్నారు. అయితే మీరట్ ప్రాంతంలో హోర్డింగ్‌లు వివాదానికి దారితీశాయి. ఈ హోర్డింగ్‌లను హిందూ యువ వాహిని ఏర్పాటు చేసింది. హోర్డింగ్‌లపై ప్ర
యూపీలో సీఎం యోగి ఆదిత్యనాథ్ సంచలన నిర్ణయాలతో జెట్ వేగంతో దూసుకెళ్తున్నారు. అయితే మీరట్ ప్రాంతంలో హోర్డింగ్‌లు వివాదానికి దారితీశాయి. ఈ హోర్డింగ్‌లను హిందూ యువ వాహిని ఏర్పాటు చేసింది. హోర్డింగ్‌లపై ప్రధాని నరేంద్ర మోడీ, యూపీ ముఖ్యమంత్రి యోగి ఆదిత్యనాథ్ ఫొటోలతో పాటు 'యోగి నామం జపించండి. లేదా ఉత్తర్‌ప్రదేశ్‌ వదిలి వెళ్లిపోండి' అని రాసి ఉంది.
ఈ హోర్డింగ్‌పై నివేదిక ఇవ్వాలని జిల్లా ఎస్పీ జే రవీంద్ర గౌర్ ఆదేశించినట్టు తెలుస్తోంది. స్థానిక ఇంటెలిజెన్స్ యూనిట్ల నుంచి రిపోర్టు వచ్చిన తర్వాత చర్యలు తీసుకుంటామని రవీంద్ర గౌర్ వెల్లడించారు.
ఇప్పటికే ఈ హోర్డింగ్‌పై యువవాహిని రాష్ట్ర సభ్యుడు నాగేంద్ర ప్రతాప్ సింగ్‌ను పోలీసులు సంప్రదించారు. ఈ హోర్డింగ్‌లను గతంలో యువవాహిని సభ్యుడిగా ఉన్న నీరజ్ శర్మ పంచాలీ వేయించి ఉంటాడని తెలుస్తోంది. అతడిని బృందం నుంచి తొలగించడంతో సంస్థకు చెడుపేరు తెచ్చేందుకు ఇలాంటి ప్రయత్నాలు జరుగుతున్నాయని పోలీసులకు వివరించారు.