హోం వర్క్ చేయలేదనే కోపంతో.. అమ్మాయిల్ని జుట్టు పట్టుకుని తిప్పుతూ..

హోం వర్క్ చేయలేదనే కోపంతో ఓ టీచర్ విద్యార్థుల పట్ల అమానుషంగా ప్రవర్తించాడు. అమ్మాయిలను జుట్టు పట్టుకుని తిప్పుతూ.. ఉన్మాదిలా ఊగిపోయాడు. తలకు దెబ్బ తగిలేలా పలుసార్లు బలంగా కొట్టాడు. అమ్మాయిలే కాదు.. అ

హోం వర్క్ చేయలేదనే కోపంతో ఓ టీచర్  విద్యార్థుల పట్ల అమానుషంగా ప్రవర్తించాడు. అమ్మాయిలను జుట్టు పట్టుకుని తిప్పుతూ.. ఉన్మాదిలా ఊగిపోయాడు. తలకు దెబ్బ తగిలేలా పలుసార్లు బలంగా కొట్టాడు. అమ్మాయిలే కాదు.. అబ్బాయిల పైనా అదే ప్రతాపం చూపించాడు. విద్యార్థుల పట్ల వీధి రౌడీలా ప్రవర్తించిన ఆ వ్యక్తి టీచర్. హరియాణాలోని కర్నల్ లో టీచర్ చేసిన నిర్వాకాన్ని ఓ విద్యార్థి రహస్యంగా వీడియో తీశాడు.

కర్నల్‌లోని ఓ ప్రైవేట్ కోచింగ్ సెంటర్‌లో టీచర్ విద్యార్థుల పట్ల అమానుషంగా ప్రవర్తించాడు. ఈ టీచర్‌ను ప్రదీప్ ఆరోరాగా గుర్తించారు. కోచింగ్ సెంటర్ యజమాని కూడా ఇతడే. హోం వర్క్ చేయని 10, ఇంటర్ విద్యార్థులను దారుణంగా కొట్టాడు. క్లాస్‌లో వెనుక వైపు కూర్చున్న ఓ విద్యార్థి మొబైల్ ఫోన్ తో టీచర్ నిర్వాకాన్ని వీడియో తీశాడు. ఈ వీడియో సోషల్ మీడియాలో వైరల్ కావడంతో పాటు ఓ టీవీలో ప్రసారమవడంతో టీచర్‌పై తీవ్ర విమర్శలు వచ్చాయి. 

ప్రదీన్ అరోరా రిటైర్డ్ నేవీ ఉద్యోగి అని విచారణలో తేలింది. మెరుగైన ఫలితాలు సాధించేందుకు విద్యార్థులకు ఎలాంటి శిక్షయినా వేయాలని తల్లిదండ్రులు తనకు చెప్పారని అరోరా వివరణ ఇచ్చినట్లు పోలీసులు తెలిపారు.