డ్రైవర్స్ డే సందర్భంగా డ్రైవర్లను గౌరవించడానికి దేశవ్యాప్త కార్యక్రమం ప్రారంభించిన ASRTU

"డ్రైవర్స్ డే" పురస్కరించుకుని జనవరి 24న రాష్ట్ర రోడ్డు రవాణా సంస్థల సంఘం (ASRTU) భారతదేశం అంతటా డ్రైవర్లను గౌరవించే కార్యక్రమాన్ని ప్రకటించింది. సురక్షితమైన, నమ్మదగిన ప్రజా రవాణాను నిర్ధారించడంలో వారి అసాధారణ అంకితభావాన్ని గుర్తిస్తూ, భారతదేశంలోని ప్రతి ప్రభుత్వ బస్సు రవాణా సంస్థ నుండి ఇద్దరు ఆదర్శప్రాయమైన డ్రైవర్లకు ASRTU రూ. 5,000 చొప్పున బహుమతి అందించనుంది. "ప్రజా రవాణా రంగంలో శ్రేష్ఠత, ప్రశంసల సంస్కృతిని ప్రేరేపించడం ఈ కార్యక్రమం లక్ష్యం" అని ASRTU ఉపాధ్యక్షులు Ch. ద్వారకా తిరుమల రావు (IPS) అన్నారు.

ASRTU రాష్ట్ర రోడ్డు రవాణా సంస్థలు(SRTUలు), SPVలు నడుపుతున్న 1,50,000 కంటే ఎక్కువ బస్సులకు ప్రాతినిధ్యం వహిస్తుంది, సమిష్టిగా రోజుకు 70 మిలియన్లకు పైగా ప్రయాణికులకు సరసమైన, సురక్షితమైన రవాణాను అందిస్తుంది. కార్యాలయాలు, పాఠశాలలు, ఇతర గమ్యస్థానాలకు సజావుగా ప్రయాణాలు చేయడం, ఆర్థిక వ్యవస్థ మరియు సామాజిక చలనశీలతకు గణనీయంగా తోడ్పాటునందించటంలో  డ్రైవర్లు కీలక పాత్ర పోషిస్తారని తెలంగాణ ఆర్టిసి మేనేజింగ్ డైరెక్టర్ V.C. సజ్జనార్ IPS అన్నారు.

“ప్రజా రవాణా వ్యవస్థకు వెన్నెముక అయిన నైపుణ్యం కలిగిన డ్రైవర్ల అంకితభావంతో వృద్ధి చెందుతుంది” అని ASRTU ఎగ్జిక్యూటివ్ డైరెక్టర్ T. సూర్య కిరణ్ అన్నారు. “సవాలుగల రహదారి పరిస్థితులను అధిగమిస్తూ, భద్రతా ప్రమాణాలను పాటిస్తూ లక్షలాది మంది ప్రజలు సురక్షితంగా, సమయానికి తమ గమ్యస్థానాలకు చేరుకునేలా వారు నిర్ధారిస్తారు. ప్రజా రవాణాలో నమ్మకం, సామర్థ్యాన్ని పెంపొందించడానికి వారి సహకారాన్ని గుర్తించడం చాలా ముఖ్యం” అని అన్నారు.

ఈ సంవత్సరం “డ్రైవర్స్ డే” కార్యక్రమం డ్రైవర్ సంక్షేమం, రహదారి భద్రత యొక్క ప్రాముఖ్యతను విస్తృతం చేయడానికి ASRTU చేస్తున్న ప్రయత్నాలను కూడా వెల్లడిస్తుంది.