మనిషిని పోలిన వింత జీవి ఒకటి సోషల్ మీడియాలో హల్‌చల్ చేస్తోంది. ఇప్పటి వరకు ఎన్నెన్నో వింత జీవులను మనం చూసి ఉంటాం. అయితే మనిషిని పోలిన జీవి కోతి తప్ప మరొకటి కనిపించదు. తాజాగా మనిషి ఆకారంలో ఉన్న ఈ వింత జీవి ఇప్పుడు సామాజిక మాధ్యమాల్లో హడావుడి చేస్తోంది. వికృతమైన మొహం, కాళ్లు, చేతులు ఉన్న ఈ జీవి రాజస్థాన్‌లోని జోథ్‌‌పూర్‌‌లో ఓ బోరు బావి నుంచి బయటపడిందట.
ఈ వింత జీవి చూడటానికి చిన్న పిల్లాడిలా కనిపిస్తుండడంతో స్థానికులు ఆశ్చర్యపోయారు. దీన్ని చూసిన కొందరు ఎలియన్ అని అంటున్నారు. మరికొందరు ఈ వింత జీవిని ఫోటోలు తీసుకుని సామాజిక మాధ్యమాల్లో అప్‌లోడ్ చేశారు. అయితే ఇది ఏంటన్నది ఎవరికీ అంతుచిక్కడం లేదు. సమాచారం అందుకున్న స్థానిక అధికారులు ఆ జీవి ఎక్కడిది, అక్కడికి ఎలా వచ్చింది, అసలు అదేంటి అనే విషయంగా ఆరాతీస్తున్నారు.