జయలలిత మృతికి కారణాలు వెల్లడించండి.. మోడీకి నటి గౌతమి లేఖ

‘ఒక రాష్ట్ర ముఖ్యమంత్రి మరణం వెనుక రహస్యాలను తెలుసుకునేందుకు రోడ్డెక్కి పోరాటం చేయాలా?’ అంటూ ప్రధానమంత్రి నరేంద్ర మోడీకి సినీ నటి గౌతమి లేఖాస్త్రం సంధించారు. జయలలిత మరణం గురించి తెలుసుకునే హక్కు తమిళ

‘ఒక రాష్ట్ర ముఖ్యమంత్రి మరణం వెనుక రహస్యాలను తెలుసుకునేందుకు రోడ్డెక్కి పోరాటం చేయాలా?’ అంటూ ప్రధానమంత్రి నరేంద్ర మోడీకి సినీ నటి గౌతమి లేఖాస్త్రం సంధించారు. జయలలిత మరణం గురించి తెలుసుకునే హక్కు తమిళ ప్రజలకు ఉందని, దేశ ప్రధాని గా మోడీనే ఈ సందేహాలను నివృత్తి చేయాలంటూ గౌతమి గత నెలలో మోడీకి లేఖ రాసి సంచలనం సృష్టించారు. 

అయితే ఆ లేఖకు స్పందన రాలేదు. దీంతో గౌతమి శుక్రవారం రాత్రి మరో లేఖ రాస్తూ... ‘నా ప్రశ్నకి ఆయన బదులు ఇవ్వకపోవడానికి కారణం ఏంటి? దీనిని బట్టి తమిళనాడును కేంద్రం చిన్నచూపు చూస్తోందని అనిపిస్తోంది’ అని గౌతమి లేఖలో పేర్కొన్నారు. పైగా, జయలలిత మరణం వెనుక ఉన్న నిజాలను తెలుసుకునేందుకు రోడ్డెక్కి పోరాటం చేయాలా అని ప్రధాని మోడీని ప్రశ్నించారు.