భార్యాభర్తల మధ్య గొడవ.. కారులోనే కత్తితో పొడిచాడు.. మరో వ్యక్తితో చనువుగా ఉందని?

భార్యాభర్తల మధ్య గొడవ హత్యకు దారితీసింది. మహిళలపై నేరాలకు అడ్డాగా మారిన దక్షిణ ఢిల్లీలోని ఆనంద్ నికేతన్ ప్రాంతంలో బుధవారం ఈ దారుణ ఘటన చోటుచేసుకుంది. భార్యతో వాగ్వివాదం చేయడంతో విచక్షణ కోల్పోయిన భర్త క

భార్యాభర్తల మధ్య గొడవ హత్యకు దారితీసింది. మహిళలపై నేరాలకు అడ్డాగా మారిన దక్షిణ ఢిల్లీలోని ఆనంద్ నికేతన్ ప్రాంతంలో బుధవారం ఈ దారుణ ఘటన చోటుచేసుకుంది. భార్యతో వాగ్వివాదం చేయడంతో విచక్షణ కోల్పోయిన భర్త కత్తితో ఆమెను పొడిచి చంపాడు. వివరాల్లోకి వెళితే.. కారులో వెళుతుండగా మంజు మోంగా(58)కు ఫోన్ వచ్చిందని, ఆమె ఎక్కువసేపు ఫోన్‌లో మాట్లాడుతుండగా భర్త ముఖేశ్ అడ్డుచెప్పడంతో ఇద్దరి మధ్య గొడవ మొదలైంది. 

కోపంతో ఊగిపోయిన ముకేశ్(60) కత్తితో పొడిచి భార్యను హతమార్చాడని పోలీసులు వెల్లడించారు. కారులో పారిపోయేందుకు ప్రయత్నించిన ఆయనను ఛేజ్ చేసి పట్టుకున్నట్లు పోలీసులు చెప్పారు. 30 ఏళ్ల క్రితం ముకేశ్, మంజులకు పెళైందని.. కూతురు, కొడుకుతో కలిసి తూర్పు ఢిల్లీలోని హరినగర్ లో నివాసం ఉంటున్నారని పోలీసులు తెలిపారు. 

మరో వ్యక్తితో మంజు చనువుగా ఉండడం, తన సమక్షంలోనే అతడితో ఫోన్ మాట్లాడుతుండడం తట్టుకోలేక ముకేశ్ ఈ ఘాతుకానికి పాల్పడినట్టు పోలీసులు చెప్పుకొచ్చారు. భార్యను చంపాలని అతడు ముందుగా కుట్ర పన్నాడని పోలీసులు అనుమానిస్తున్నారు. అతడికి తాగుడు అలవాటు ఉందని, ఇంట్లోలోనూ భార్యను హించించేవాడని పొరుగింటివారు చెప్తున్నారు. దీనిపై కేసు నమోదు చేసుకుని దర్యాప్తు చేపట్టారు.