రేప్ చేసి జైలుకెల్లాడు.. జైలునుంచి విడుదలై మళ్లీ రేప్ చేసిన కామాంధుడు...
అరాచకాలకు అడ్డాగా మారిన ఉత్తరప్రదేశ్‌లో ఓ దారుణం వెలుగు చూసింది. 17 ఏళ్ల బాలుడు 15 ఏళ్ల బాలికపై అత్యాచారానికి పాల్పడ్డాడు. ఈ కేసులో జైలుకెళ్లి ఇటీవల విడుదలైన ఆ బాలుడు ఆమెపై మరోసారి బలవంతంగా బలాత్కారం
అరాచకాలకు అడ్డాగా మారిన ఉత్తరప్రదేశ్‌లో ఓ దారుణం వెలుగు చూసింది. 17 ఏళ్ల బాలుడు 15 ఏళ్ల బాలికపై అత్యాచారానికి పాల్పడ్డాడు. ఈ కేసులో జైలుకెళ్లి ఇటీవల విడుదలైన ఆ బాలుడు ఆమెపై మరోసారి బలవంతంగా బలాత్కారం చేశాడు.
ఈ వివరాలను పరిశీలిస్తే... నిందితుడు అత్యాచార బాధితురాలిని ఆరు నెలల క్రితం అత్యాచారం చేయడంతో పోలీసులు జువైనల్ హోమ్‌కు తరలించారు. అత్యాచారం అనంతరం బాధితురాలిని కొట్టినట్టు కూడా అతడిపై అరోపణలు వచ్చాయి. ఇటీవలే జువైనల్ హోమ్ నుంచి విడుదలైన అతడు మరోసారి అదే బాలికను వెతికి పట్టుకుని మరీ అత్యాచారం చేశాడు.
అయితే, పోలీసులు అభియోగాలను మార్చినట్టు, అత్యాచారం కేసును లైంగిక వేధింపుల కేసుగా పేర్కొన్నట్టు తెలుస్తోంది. బాధితురాలు మేజిస్ట్రేట్‌కు ఇచ్చిన వాంగ్మూలంలో అత్యాచారాన్ని తోసిపుచ్చిందని, బాలుడు తనను లైంగికంగా వేధించినట్టు మాత్రమే పేర్కొందని పోలీసుల వాదనగా ఉంది. అయితే, తనకు చదువు రాదని, పోలీసులు తన వేలి ముద్రలు తీసుకున్నారని, కేసు విషయమై తనకు ఎలాంటి సమాచారం లేదని ఆమె వాపోయింది.