రాంజెఠ్మలానీ ఓ పట్టాన భాజపాను వదిలేట్లు లేరు. మొన్న శ్రీరాముడుపై వివాదాస్పద వ్యాఖ్యలు చేసి భాజపాను గుక్కదిప్పుకోకుండా చేసిన జెఠ్మలానీ నేడు సీబీఐ డైరెక్టరు నియామకంపై ఓవైపు పార్టీ వ్యతిరేకిస్తుంటే.. ఆయన మాత్రం మద్దతు ఇస్తున్నారు.
ప్రభుత్వపరంగా సమర్థుడిని ఎంపిక చేసే ప్రక్రియలో విపక్షాలు ఇంత లొల్లి ఎందుకు చేయాలి.. మన పార్టీ ఇలా ఎందుకు చేస్తుందంటూ నేరుగా పార్టీ అధ్యక్షుడు గడ్కరీకే లేఖ రాసేశారు. దీంతో భాజపా మరోసారి ఆత్మరక్షణలో పడింది.
జెఠ్మలానీతో ఏం చేయాలో తోచక బుర్ర బద్ధలు కొట్టుకుంటున్నట్లు సమాచారం. ఈయన వ్యవహార శైలి పార్టీకి ఎలాంటి చేటు తెచ్చిపెడుతుందోనని తెగ మధనపడిపోతున్నారట.