పెళ్లి మండపంలో ఓ నవవధువు ప్రసవించడంతో అక్కడున్నవారంతా అవాక్కయ్యారు. దీంతో వరుడు తరుఫు బంధవులు ఆగ్రహం వ్యక్తంచేశారు. ఈ పెళ్లిని రద్దు చేయాలని వారు నిర్ణయించారు. కానీ వరుడు ఆమెనే చేసుకుంటానని పట్టుబట్టడంతో చివరకు వారి పెళ్లి జరిగింది. ఈ సంఘటన మధ్యప్రదేశ్‌లోని దిండోరి జిల్లాలో చోటుచేసుకుంది.
పెళ్లి మండపంలో వధువు ఓ బిడ్డకు జన్మనిచ్చినా ఇచ్చిన మాటకోసం ఆమెను పెళ్లి చేసుకున్నానని వరుడు చెబుతున్నాడు. ఆమెను పెళ్లి చేసుకోవద్దని పంచాయితీ నిర్ణయించినా వరుడు మాత్రం.. తాను ఆమెనే పెళ్లి చేసుకుంటానని, జీవితాంతం తోడుంటానని నిశ్చితార్థం నాడే ఆమెకు మాటిచ్చానని చెప్పాడు.
ఆ తర్వాత ఆమెనే పెళ్లాడాడు. కాగా, తన కొడుకు చేసిన మంచిపనికి తాను గర్వపడుతున్నానని పంచాయితీ సభ్యులు జరిమానా విధిస్తే చెల్లించేందుకు సిద్ధంగా ఉన్నానని వరుడి తండ్రి ప్రకటించారు. తన ఇంటికి తల్లీ, బిడ్డలను తీసుకెళ్లాలని వరుడు నిర్ణయించాడు.