ప్రిన్స్‌ ఆఫ్‌ హిల్‌ స్టేషన్‌: కొడైకెనాల్‌

WD

ఇది సుందర విశ్రాంతి ప్రదేశం. ఇక్కడ సగటు వర్షపాతం 165 సెం.మీ. వృక్షాలతో నిండివున్న ఈ పర్వత ప్రాంతాన్ని ఏప్రిల్‌ నుంచి జూన్‌, సెప్టెంబర్‌ నుంచి అక్టోబర్‌లో దర్శించి సేద తీరండి. సంవత్సరం పొడవునా టూరిస్టులు వచ్చే పర్యాటక ప్రదేశం యిది. సీజన్‌లో వస్తే ఇక్కడి మనోహర దృశ్యాలను అందమైన ప్రకృతి లావణ్యాన్ని ఆస్వాదించవచ్చు.

కొడైకెనాల్‌ వాతావరణం :
వేసవి కాలం : 19.8 డిగ్రీల సెంటిగ్రేడ్‌ నుంచి 14.3 డిగ్రీల సెంటిగ్రేడ్‌ వరకు
చలికాలం : 17.3 డిగ్రీల సెంటిగ్రేడ్‌ నుంచి 8.3 డిగ్రీల సెంటిగ్రేడ్‌ వరకు
మనస్సుకి హాయి గొలిపే ఈ ప్రాంతానికి రావటానికి దగ్గరలో వున్న ఎయిర్‌పోర్ట్‌ మధురై 120 కి.మీ దూరంలో వుంది. 135 కి.మీ దూరంలో కోయంబత్తూరు ఉంది.

రైలు మార్గం : కొడై రైల్వే స్టేషన్‌‌కు ఇతర ప్రధాన నగరాల నుంచి కలుపబడి ఉంది. ఈ స్టేషనకు పళని రైల్వే స్టేషను 64 కిలోమీటర్ల దూరంలో ఉంది.
బస్సు : ఇక్కడికి బెంగుళూరు, చెన్నై పళని, మధురై, దిండిగల్‌, తిరుచిరాపల్లి, ఈరోడ్‌, కుయిలి నుంచి బస్సు సౌకర్యం ఉంది.

ప్రతి సంవత్సరం మే నెలలో బోట్‌ రేసులు జరుగుతాయి. అప్పుడే ఫ్లవర్‌ షో జరుగుతుంది. అద్భుతంగా ఉంటుంది ఈ పూల సంత. కొడైకెనాల్‌ నుంచి మధురైకి 120 కి.మీ. కొడైకెనాల్‌ పళనికి 65 కి.మీ, కోయంబత్తూరు నుంచి 78 కి.మీ, తిరుచ్చి నుంచి 197 కి.మీ, దిండిగల్‌ నుంచి 110 కి.మీ దూరంలో ఉన్నాయి.

షాపింగ్‌ : ఖాది ఎంపోరియం, హేండ్లూం, కో- ఆపరేటివ్‌ స్టోర్‌, గవర్నమెంటు సేల్స్ ఎంపోరియం, మినీ సూపర్‌బజార్‌, స్పెన్సర్‌ అండ్‌ కంపెనీ.

పర్యాటక ప్రదేశాలు :
లేక్‌ : 60 ఎకరాల్లో ఉన్న ఆకర్షణీయమైన లేక్‌ చుట్టూ పచ్చటి పొలాలు, బోటింగ్‌ సౌకర్యం టిటిపిసి వారు ఏర్పాటు చేశారు. లేక్‌కి తూర్పు దిశలో ఉన్న సుందర పార్కులో మే నెలలో హిస్టారికల్‌ షో జరుగుతుంది.
సోలార్‌ ఫిజికల్‌ అబ్జర్వేటరీ : 3.2 కి.మీ దూరంలో ఈ ప్రదేశం కొడైలో ఎత్తయినది.
ఆండవర్‌ టెంపుల్‌ : 3.2 కి.మీ దూరంలో ఉంది. మురుగన్‌ స్వామి ఈ ఆలయంలో కొలువై ఉంటారు. ఈ పాయింట్‌ నుంచి చూస్తే ఉత్తరాన ఉన్న పళని హిల్స్‌ చూడవచ్చు.

టెలిస్కోప్‌ హౌస్‌ : ఇక్కడ రెండు టెలిస్కోప్‌ హౌసెస్‌ వున్నాయి. ఒకటి కురింజి ఆండవార్‌ టెంపుల్‌ దగ్గర ఏప్రిల్‌ నుంచి జూన్‌ వరకు తెరిచి వుంటుంది. రెండోది కూకల్సువీక్‌.
గ్రీస్‌ వేలి వ్యూ : 5 కి.మీ దూరంలో ఉన్న ఈ వ్యూ నుంచి వైగై డ్యామ్‌ కనిపిస్తుంది.
పిల్లర్‌ రాక్స్‌ : 7.4 కి.మీ దూరంలో యిక్కడ నుంచి సుందర ప్రకృతి కాంత సమస్త అందాలను చూడవచ్చు. ఇక్కడ సహజ సిద్ధమైన మూడు పొడవైన శిలలు ఒకదానికొకటి ఆనుకుని 400 అడుగులు ఎత్తు కలిగి వుంటాయి.
బీల్‌ షోలా ఫాల్స్‌ : 1.6 కి.మీ దూరంలో వున్న బ్యూటీ ఫర్‌ పిక్నిక్‌ స్పాట్‌.

కొడైకెనాల్‌ పరిసరాల్లో
సిల్వర్‌ కాస్కేడ్‌ : ఈ జలపాతాలు ఘాట్‌రోడ్‌ వద్ద ఉన్నాయి. కొడైకెనాల్‌ నుంచి 8 కి.మీ దూరంలో ఉంది ఈ స్పాట్‌.
మ్యూజియం : 3 కి.మీ దూరంలో వుంది. 1890లో స్థాపించబడిన ఒక కాలేజి వారిచే ఈ పుష్పాల మ్యూజియం నిర్వహించబడుతుంది. మన దేశంలో వున్న ఆర్కిటోరియంలలో ఇది ఒకటి. ఇందులో 300 జాతులకు పైగా మొక్కలు వున్నాయి.
డోలు మెన్స్‌ సర్కిల్‌ : 22 కి.మీ దూరంలో ఉన్న పురాతన కాలం నాటి స్థలం
పెరుమాళ్‌ పీక్‌ : 11 కి.మీ దూరంలో గల ఈ ప్రదేశం 2,400 మీటర్ల ఎత్తున వున్న శిఖరం. ఈ ప్రయాణం పెరుమాళ్‌ మలాయ్‌ గ్రామం నుంచి ప్రారంభమౌతుంది. ఇక్కడ వాతావరణం చూస్తే ఈ ప్రాంతానికి వలస పోదామా అనిపిస్తుంది.

బెరిజం లేక్‌ : 21 కి.మీ దూరంలో గల ఈ ప్రదేశం సూపర్‌ పిక్నిక్‌ స్పాట్‌
కుక్కుళ్‌ కేవ్స్‌ : ఆది మానవులు ఈ గుహల్లో నివసించే వారట. ఇప్పుడిది విడిది ప్రాంతం.
డాల్ఫిన్‌ నోస్‌ : రాయి నిరాధారంగా కనబడుతూ చివరి భాగం ఆవలించిన నోరులా కనిపిస్తుంది.
పళని : హిందూ దేవాలయం వుంది. సుబ్రహ్మణ్యస్వామి ఆరు అవతారాల్లో ఒక మూర్తి అవతారం ఇక్కడ చూడవచ్చు. పళని రేంజ్‌లో వెస్టన్‌ ఘాట్స్‌లో ఈ గుడి పర్వతం మీద వుంది. 64 కి.మీ దూరంలో వుంది కొడైకెనాల్‌కి.

కుంభక్కరై : 12 కి.మీ దూరంలో ఈ ప్రాంతం అద్భుతమైన పిక్నిక్‌ స్పాట్‌, అందమైన జలపాతాలు ఉన్నాయి.
కొడై ఇంటర్‌ నేషనల్‌ : లామ్స్‌ ఘాట్‌ రోడ్‌, ఫోన్‌ : 40767 కొడైరిసార్ట్‌ హోటల్‌ నాయిస్‌రోడ్‌, ఫోన్‌ : 40632. గార్డెన్‌ మానర్‌, లేక్‌రోడ్‌, ఫోన్‌ : 40462. హోటల్‌ ఎస్టోరియా, అన్నాశాలై, ఫోన్‌ : 40524, యూత్‌ హాస్టల్‌, గ్రీన్‌ ల్యాండ్స్‌, ఫోన్‌ : 41009.
మధుమలై అడవులు

ఊటి నుంచి 67 కి.మీ దూరంలో మైసూర్‌కు వెళ్ళే దారిలో ఉన్నాయి. ఈ అరణ్యాలు, నీలగిరి మీద 3000 ఎత్తులో ఉన్న అరణ్యాలివి. ఇక్కడ చాలా సహజంగా ఏనుగులు, డీర్స్‌, పెద్దపులి, చిరుతలు చూడవచ్చు.
నక్కలు, కోతులు, ముంగిసలు, గండుపిల్లులు లాంటివి అనేకం అడుగడుగునా కనిపిస్తుంటాయి. ఏప్రిల్‌ నెలలో రాత్రిళ్ళు మిణుగురు పురుగులతో అడవి అంతా మెరిసిపోతుంటుంది.
ఈ అడవి మొత్తం చూడడానికి కారు లేదా ఏనుగు మీద గాని చూడవచ్చు. ఈ సౌకర్యాన్ని ఫారెస్ట్‌ డిపార్ట్‌మెంట్‌ వారు కల్పిస్తారు. బెస్ట్‌ సీజన్‌ మార్చి - జూన్‌ మధ్య చూడటానికి అనువుగా వుంటుంది.
ఇక్కడికి దగ్గరలో రెస్ట్‌హౌస్‌, టూరిస్ట్‌ లాడ్జి వుంది. ఇంకా లగ్జరీలో బాంబూబ్యాంక్స్‌ ఫామ్‌ గెస్ట్‌ హౌస్‌, లాగ్‌ హౌస్‌, ముసిని గుడిలో తెప్పకడులో యూత్‌ హాస్టల్‌ వున్నాయి. ఈ ప్రదేశాలన్నీ మధుమలై వైల్డ్‌లైఫ్‌ శాంక్చువరీ పరిసరాలు.