విద్యకెల్ల గురువువు నీవే...!!

శ్రీ గణనాయకా సిద్ధి వినాయకా
మ్రొక్కెద వరములివ్వు మోక్షదాయకా "శ్రీ"

విద్యకెల్ల గురువునీవె శ్రీ గణేశా
ముద్దుమోము చూపవోయి శ్రీ గణేశా
చదువుల గురువని మది నిను నమ్మితి
సతతము బ్రోవవయ్య శ్రీ వినాయకా "శ్రీ"

వ్యాస మహా మునీంద్రుని కోర్కె తీర్చినావు
భారతంబు వ్రాసి పేరుగాంచినావు
పార్వతి పుత్రుడివైన నిన్ను ప్రస్తుతి సేతును
వేడెద నిను మదిలో వేగ రావయా "శ్రీ"