విడువ ముడువ లేక...!!

విడువ ముడువ లేక కుడువగట్టగలేక
వెరపులేక విద్యవిధములేక
వెడలలేనివాని నడపీను గనరొకో
విశ్వదాభిరామ వినుర వేమా....!!

తాత్పర్యం :
సమయం, సందర్భాలకు తగినట్లుగా పట్టువిడుపులు ప్రదర్శించలేని అలౌక్యుడు, ధనం సంపాదించి కూడా ఆప్తులను ఆదుకోలేనివాడు.. లోకానికి, మంచి చెడులకు భయపడనివాడు, విద్యాహీనుడు, నలుగురిలో కలసిమెలసి మెలగలేనివాడు, క్రమపద్ధతి లేని వాడు... నడిచే పీనుగు (శవం)గా పరిగణించబడతాడని ఈ పద్యం యొక్క భావం.