పాపమనగ వేరే పరదేశమున లేదు

పాప మనగ వేరె పరదేశమున లేదు
తనదు కర్మములను తగిలియుండు
కర్మ తంత్రిగాక కనుకని యుంటొప్పు
విశ్వదాభిరామ వినుర వేమా..!

తాత్పర్యం :
పాపం ఎక్కడో మరో దేశం నుంచి రాదు. తాను చేసే పనుల ఫలితంగానే వస్తుంది. దుష్ఫలితాలు వచ్చిన తర్వాత శాంతిక్రియలు, మంత్రతంత్రాల వంటి నివారణా చర్యలకంటే ముందుగానే కళ్లు తెరచుకుని జాగ్రత్తగా ఉంటే మంచిది కదా అని హెచ్చరిస్తున్నాడు వేమన మహాకవి.