పచ్చవిడచువాడు ప్రభువు

పచ్చజూచువారు పచ్చమెచ్చెడువారు
పచ్చమీద వాంఛ పడినవారు
పచ్చవిడుచువాని ప్రభువుగా జూతురు
విశ్వదాభిరామ వినుర వేమా...!!

తాత్పర్యం :
ధనంవైపు దృష్టి సారించేవాళ్లు, ధనాన్ని గొప్పగా భావించేవాళ్లు, ధనంపట్ల కోరిక పెంచుకునేవాళ్లు అలా తేలిపోతుంటారుగానీ... ధనాన్ని తృణప్రాయంగా తలచి త్యజించిన వాడిని గురువుగా, తత్త్వాధినేతగా భావించి పూజిస్తారని ఈ పద్యంలో చెప్పాడు వేమన.

కాబట్టి... సంపద పట్ల క్రమక్రమంగా వ్యామోహం పెంచుకునేవారికన్నా... బంగారాన్నీ, మట్టినీ ఒకేలాగ చూసే ఎలాంటి మోహాలు లేనివాడే ఎంతో గొప్పవాడని ఈ పద్యం యొక్క సారాంశం.