చిన్ని మా అమ్మాయి శ్రీముఖము...!!

FILE

చిన్ని మా అమ్మాయి శ్రీముఖము చూడు
సిగ్గుపడి జాబిల్లి పొడవగా వెరచు

పందిట్లో అమ్మాయి పాకుతూ ఉంటే
పనసపండని జనులు పరుగులెత్తేరు

దొడ్లోను అమ్మాయి దొర్లాడుతుంటే
దోసపండని జనులు దోసిల్లొగ్గేరు

నీలాలు కెంపులు నిలువు వజ్రాలు
నిత్యమూ అమ్మాయి నీళ్ళాడుచోట

పగడాలు రత్నాలు పారిజాతాలు
పడతి మా అమ్మాయి పనిచేయు చోట

ఆడగా ముద్దమ్మ పాడగా ముద్దు
అందరికి మా అమ్మ అల్లారుముద్దు...!!